ଘୁ.ଉଦୟଗିରି,୨୯/୧୨- ଆଜି ସନ୍ଧ୍ୟାରେ ରାଜ୍ୟସଭା ସାଂସଦ ମୁନ୍ନା ଖାଁ ଘୁ. ଉଦୟଗିରି ପରିଦର୍ଶନ କରି ବିଜେଡି ଦଳର ନେତାମାନଙ୍କୁ ଭେଟି ଦଳ ବିଷୟରେ ଆଲୋଚନା କରିଛନ୍ତି । ମାଇନରୀଟି କର୍ମୀ ସମେତ ବିଜେଡି ଦଳର ଅନେକ କର୍ମୀ ଉପସ୍ଥିତ ରହି ସାଂସଦଙ୍କ ସ୍ୱାଗତ କରିଥିଲେ । ସଂସଦ ଆଜି ରାଇକିଆ ଏକ କାର୍ଯ୍ୟକ୍ରମରେ ଯୋଗଦେଇ ଫେରୁଥିବା ବେଳେ ଘୁ.ଉଦୟଗିରି ବନ୍ଧଛକରେ ଅତର୍କିତ ଭାବରେ ପହଞ୍ଚିଥିଲେ । ଘୁ.ଉଦୟଗିରି ବନ୍ଧଛକ ବିଜେଡିର କର୍ମକର୍ତ୍ତା ତଥା ଜିଲ୍ଲା ସାଧାରଣ ସମ୍ପାଦକ କିଶୋର ଚନ୍ଦ୍ର ନାୟକ, ପୂର୍ବତନ ଏନଏସି ଅଧ୍ୟକ୍ଷ ସଂଜୀବ କୁମାର ପାତ୍ର, ବିଜୁ ଯୁବ ଜିଲ୍ଲା ସାଧାରଣ ସମ୍ପାଦକ ଅନୀଲ କୁମାର ଦଳବେହେରା, ବି.ଏନ ସାହୁଙ୍କ ସମେତ ମାଇନରୀଟି ସମ୍ପାଦକ ସଞ୍ଜୟ କୁମାର ନାୟକଙ୍କ ସମେତ କର୍ମୀମାନେ ଉପସ୍ଥିତ ରହିଥିଲେ ।
