ଘୁ.ଉଦୟଗିରି/ରାଇକିଆ,୧୭/୫: କନ୍ଧମାଳ ଜିଲ୍ଲା ରାଇକିଆ ସେଣ୍ଟ କ୍ୟାଥରିନ ସ୍କୁଲ ପରିସରରେ ଆର୍ଟ ଅଫ୍ ଗିଭିଙ୍ଗ ଡେ ପାଳିତ ହୋଇଯାଇଛି । ଆର୍ଟ ଅଫ ଗିଭିଙ୍ଗ ଡେ ସ୍ନେହ, ଶ୍ରଦ୍ଧା, ତ୍ୟାଗ ଓ ଉଦାରତାର ଅନନ୍ୟ ପ୍ରତିଫଳନ । ଆନ୍ତର୍ଜାତିକ ସ୍ତରରେ ବିଶ୍ୱର କୋଣ ଅନୁକୋଣରେ ଏହି ଦିବସକୁ ପାଳନ କରାଯାଉଛି । ଏହି ଅବସରରେ କନ୍ଧମାଳ ସାଂସଦଙ୍କ ବ୍ଳକ ପ୍ରତିନିଧି ଟୁକୁନା ପାଣିଗ୍ରାହୀ ଏବଂ ବ୍ଳକ ସଂଯୋଗ ସୁରତ ନାୟକଙ୍କ ତତ୍ତ୍ୱାବଧାନରେ ରାଇକିଆ କାଥାରିନା ସ୍କୁଲର ୧୦୦ ଜଣ ଛାତ୍ରଛାତ୍ରୀ ବିସ୍କୁଟ,ପେନ୍ ଓ ପେନସିଲ ପ୍ରଦାନ ପୂର୍ବକ ଏହି ଡେ ପାଳନ କରିଥିଲେ । ଏଥିସହିତ ଆଜିର ଏହି ଦିନର ମହତ୍ତ୍ୱ କଣ ତାହା ବୁଝାଇଥିଲେ ଯାହା ଅନ୍ୟମାନଙ୍କୁ ପ୍ରେରଣା ଯୋଗାଇବ ବୋଲି ଆଶା କରାଯାଉଛି ।
