ପାରଳାଖେମୁଣ୍ଡି,୧୪/୩- ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡିସ୍ଥିତ ସ୍ଥାନୀୟ ମହେନ୍ଦ୍ରଗିରି ସରକାରୀ ଉଚ୍ଚ଼ ବିଦ୍ୟାଳୟ ପରିସରରେ କନିଷ୍ଠ ରେଡ଼କ୍ରସ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ୩୦ଜଣ ଶିକ୍ଷକ ଶିକ୍ଷୟିତ୍ରୀ ମୋଟ ୩୦ ୟୁନିଟ ରକ୍ତ ଦାନ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡ଼ଃ ଏନ.ରବିବାବୁ ଯୋଗ ଦେଇ ପ୍ରଦୀପ ପ୍ରଜ୍ୱଳନ କରି ଶୁଭ ଉଦଘାଟନ କରିଥିଲେ । ସଂମ୍ମାନୀତ ଅତିଥି ଭାବେ ମନୋରଞ୍ଜନ ଦଳେଇ, ବିଜ୍ଞାନନିରୀକ୍ଷକ ସ୍ୱାର୍ତ୍ତିକ କୁମାର ପଟ୍ଟନାୟକ, ଜିଲ୍ଲା ଜୁନିୟର ରେଡ଼କ୍ରସ ସମ୍ପାଦକ ଜି. ସୁଦର୍ଶନ ରାଓ, ମହେନ୍ଦ୍ରଗିରି ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ପୂର୍ଣ୍ଣଚନ୍ଦ୍ର ପ୍ରଧାନ, ବିଚିତ୍ରାନନ୍ଦ ବେବର୍ତ୍ତା, ସୁରେନ୍ଦ୍ର ପାତ୍ର, ସଞ୍ଜୟ କୁମାର ପାତ୍ର ପ୍ରମୁଖଙ୍କ ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ । ଏହି ଶିବିରର ଲକ୍ଷ୍ୟ ଉଦେଶ୍ୟ ହେଲା ଉତ୍ତମ ଚରିତ୍ର ଗଠନ ସହ ସ୍ୱାସ୍ଥ୍ୟ ସେବା ଓ ଭାତୃଭାବ ଏକତ୍ୱ ସୃଷ୍ଟି କରିବା ।
