ପାରଳାଖେମୁଣ୍ଡି,୨/୧୦- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ପୌର ପରିଷଦ ଏକ ସର୍ବପୁରାତନ ପୌର ପରିଷଦ ଅଟେ । ଏହି ପୌର ପରିଷଦରେ ଦୀର୍ଘଦିନ ହେଲା କୁକୁର ସଂଖ୍ୟା ବୃଦ୍ଧି ପାଇବା ସାଙ୍ଗକୁ ଉପଦ୍ରବ ବଢ଼ିବାରେ ଲାଗିଛି । ସକାଳ ଓ ସନ୍ଧ୍ୟା ସମୟରେ ଭ୍ରମଣ ବା ମନ୍ଦିର ଯିବାବେଳେ ବରିଷ୍ଠ ନାଗରିକ, ଜନସାଧାରଣ ଛାତ୍ରଛାତ୍ରୀ ଟିୟୁସନ ଯିବା ସମୟରେ ଭୟଭୀତ ହେଉଛନ୍ତି । ଯିବା ସମୟରେ କୁକୁର ହଠାତ ଉପରକୁ କାମୁଡିବାକୁ ଆସନ୍ତି । ଯାହାଫଳରେ ଜନ ସାଧାରଣ ଭୟଭୀତ ହେଉଛନ୍ତି । ଏହି ସମସ୍ୟା ଦୀର୍ଘ ଦିନ ସମସ୍ୟା ଅଟେ । ଏହି ବିଷୟରେ ସାମାଜିକ କର୍ମୀମାନେ ମଧ୍ୟ ପୌର ପରିଷଦ ଅଧିକାରୀଙ୍କୁ ଲିଖିତ ଆକାରରେ ଅଭିଯୋଗ କରିଥିଲେ । କିନ୍ତୁ ପୌର ପରିଷଦ କିଛି ପଦକ୍ଷେପ ନନେବାରୁ ସାଧାରଣରେ ଆଲୋଚନା ହେଉଛି । ଜିଲ୍ଲା ପ୍ରଶାସନକୁ ମଧ୍ୟ ଗଣମାଧ୍ୟମ ପ୍ରତିନିଧି ମାନେ ବିଭିନ୍ନ ବୈଠକରେ ଅବଗତ କରାଇଛନ୍ତି । ଶୀଘ୍ର ଏଥିପ୍ରତି କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି ।
