ଗଞ୍ଜାମ :ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ପୋଲିସ ଏକ ଚୋରା ଗଞ୍ଜେଇ ଚାଲାଣ କରୁଥିବା ଯୁବକ ଗିରଫ କରିବାରେ ସକ୍ଷମ ହୋଇଛି । ଏନେଇ ଶନିବାର ଏକ ଖବରଦାତା ସମ୍ମିଳନୀରେ ପୁରୁଷୋତ୍ତମପୁର ଏସ୍ଡିପିଓ ସୂର୍ଯ୍ୟମଣି ପ୍ରଧାନ ସୂଚନା ପ୍ରଦାନ କରିଛନ୍ତି । ପୁରୁଷୋତ୍ତମପୁର ଥାନା ଅନ୍ତର୍ଗତ ବକ୍ସିପଲ୍ଲୀ ଅଞ୍ଚଳ ପଟରୁ ଆସିଥିବା ଯୁବକକୁ ପୁରୁଷୋତ୍ତମପୁର ଥାନା ଏସଆଇ ଶ୍ରୀନବାସୁ ଦାସ ଝରଣ ଛକ ଠାରେ ପେଟ୍ରୋଲିଙ୍ଗ କରୁଥିବା ବେଳେ ପ୍ରାୟ ରାତ୍ର ୩ ଘାଣ୍ଟିକ ସମୟରେ ଶିକୁଳା ଗ୍ରାମର ଏକ ଯୁବକ ଯାହାର ନାମ ଜେତେନ୍ଦ୍ର କୁମାର ବେହେରା ସେହି ରାସ୍ତା ଦେଇ ସ୍କୁଟି ରେ ଯାଉଥିବା ବେଳେ ତାକୁ ପୋଲିସ ଅଟକାଇ ଥିବା ବେଳେ ଯୁବକ ଧରିଥିବା ଦୁଇ ଜରି ବସ୍ତାକୁ ଖୋଲି ଦେଖିଥିବା ବେଳେ ସେଥିରୁ ଗଞ୍ଜେଇ ଥିବା ଜାଣିବା ପରେ ଯୁବକକୁ ଗିରଫ କରିବା ସହିତ ଥାନାକୁ ଆଣି ଅଟକ କରି, ତା ଠାରୁ ୨୪ କେଜିର ଗଞ୍ଜେଇ ଓ ନଗଦ ୫୨୦ଟଙ୍କା ଓ ମୋଟରସାଇକେଲକୁ ମଧ୍ୟ ଜବତ କରିଥିଲେ । ଆଜି ଥାନା ଆଇଓ ପ୍ରିୟଙ୍କା ବେହେରା ଅଭିଯୁକ୍ତ ବିରୋଧ କେସ୍ ନଂ ୪୬/୨୨/ ୟୁଏସ ୨୦ ବି (ଆଇଆଇ) (ସି) / ୨୯ ସହିତ ଏନଡ଼ିପିଏସ ପ୍ରକାରେ ମାମଲା ରୁଜୁ କରି ନିଜେ ଘଟଣାର ତଦନ୍ତ କରିଯାଉଥିବା ଏସ୍ଡିପିଓ ସୂଚନା ଦେଇଛନ୍ତି ।
