ଗଞ୍ଜାମ,୧୦/୧୧: କଳା ଓ ସଂସ୍କୃତିର ପ୍ରୋତ୍ସାହନ ସହ ବିଭିନ୍ନ ସମୟରେ ସାଂସ୍କୃତିକ କାର୍ଯ୍ୟକ୍ରମ କରିବାରେ ସହଯୋଗ କରିବା ଓ କଳାକାରମାନଙ୍କୁ ଉତ୍ସାହିତ କରିବାପାଇଁ ସହଯୋଗ କରି ଆସୁଥିବା ପୁରୁଷୋତ୍ତମପୁର ବ୍ଲକ ମୋଡାବାଇ ଗ୍ରାମର ଜିଲ୍ଲା ବିଜେଡି କାର୍ଯ୍ୟକାରିଣୀ ସଦସ୍ୟ ତଥା ପୂର୍ବତନ ଚାଁଗୁଡିଆ ପଦର ନୂଆଗାଁ ସମିତିସଭ୍ୟ ଏବଂ ଜଣେ ବ୍ୟବସାୟୀ, ସମାଜସେବୀ, ନିର୍ମଳ ଚନ୍ଦ୍ର ସାହୁଙ୍କୁ ସାଂସ୍କୃତିକ ଅନୁଷ୍ଠାନ ଅଭିଷେକ କ୍ରିଏସନ ପକ୍ଷରୁ ମାନପତ୍ର ଦେଇ ସମ୍ବର୍ଦ୍ଧିତ କରିଛନ୍ତି ବରିଷ୍ଠ ସାମ୍ବାଦିକ ତଥା ଅଭିଷେକ କ୍ରିଏସନର ପ୍ରତିଷ୍ଠାତା ପ୍ରକାଶ ପଟ୍ଟନାୟକ । ନିର୍ମଳ ବିଭିନ୍ନ ସମୟରେ ବହୁ କଳାକାରମାନଙ୍କ ଅସୁବିଧା, ସୁବିଧାରେ କାର୍ଯ୍ୟକରି ସେମାନଙ୍କୁ ଆଗକୁ ବଢେଇବା ଦିଗରେ ସହଯୋଗ କରିଥିବାରୁ ତାଙ୍କୁ ଆଜି ବ୍ରହ୍ମପୁର ଠାରେ ଏହି ସମ୍ନାନ ଦିଆଯାଇଥିଲା ।
