ପୁରୁଷୋତ୍ତମପୁରରେ ସରିଲା ପ୍ରାର୍ଥୀଙ୍କ ନାମାଙ୍କନ ,ଗୋଟିଏ ପଞ୍ଚାୟତର ସମିତି ସଭ୍ୟ ପ୍ରାର୍ଥୀ ନିଦ୍ୱର୍ନ୍ଦ୍ୱରେ ନିର୍ବାଚିତ

ଗଞ୍ଜାମ,୨୨/୧ : ପୁରୁଷୋତ୍ତମପୁର ବ୍ଲକର ୨୬ ଗୋଟି ପଞ୍ଚାୟତରେ ଗତକାଲି ସରିଛି ସରପଞ୍ଚ, ସମିତି ସଭ୍ୟ, ସଭ୍ୟା ଓ ୱାର୍ଡ ମେମ୍ବରଏବଂ ୩ଗୋଟି ଜିଲ୍ଲା ପରିଷଦ ନିମନ୍ତେ ପ୍ରାର୍ଥୀପତ୍ର ଦାଖଲ । ଗତକାଲି ସୁଦ୍ଧା ୫ଦିନ ମଧ୍ୟରେ ୬୭୯ ଜଣ ୱାର୍ଡମେମ୍ବର,୧୨୭ ଜଣ ସରପଞ୍ଚ,୧୦୫ ଜଣ ସମିତି ସଭ୍ୟ, ସଭ୍ୟା ନାମାଙ୍କନପତ୍ର ଦାଖଲ କରିଥିବା ବେଳେ ୩ ଗୋଟି ୩୫,୩୬, ୩୭ ନଂ ଜିଲ୍ଲା ପରିଷଦ ନିମନ୍ତେ ୧୨ ଜଣ ବିଜେଡି, ବିଜେପି ଓ କଂଗ୍ରେସ, ସ୍ୱାଧୀନ ପ୍ରାର୍ଥୀ ରୂପେ ପ୍ରାର୍ଥୀ ପତ୍ର ଦାଖଲ କରିଛନ୍ତି । ତେବେ ବ୍ଲକର ୨୬ ଗୋଟି ପଞ୍ଚାୟତ ରୁ ଗୋଟିଏ ପଞ୍ଚାୟତ ଚିଙ୍ଗୁଡ଼ିଘାଇ ନିଦ୍ୱର୍ନ୍ଦ୍ୱରେ ମନୋନୀତ ହୋଇ ବ୍ଲକ ବିଡ଼ିଓଙ୍କ ପାଖରେ ପ୍ରାର୍ଥୀପତ୍ର ଦାଖଲ କରିଛନ୍ତି । ସେ ହେଲେ ରଶ୍ମିରାଣୀ ପ୍ରଧାନ । ତେବେ ଅନ୍ୟ ପଞ୍ଚାୟତରେ ସବୁଠି ସବୁ ପ୍ରାର୍ଥୀ ପାଇଁ ପ୍ରତିଦ୍ୱନ୍ଦିତା ଲାଗିଛି ଜ୍ଝା ତେବେ ଏହି ପଞ୍ଚାୟତ ହିଁ ଗାଁ ଲୋକଙ୍କ ସମର୍ଥନରେ ଆଗକୁ ବଢିଛନ୍ତି । ଏହି ରଶ୍ମିଙ୍କ ଶଶୁର ମଧ୍ୟ ଦୀର୍ଘ ୨୦ବର୍ଷ ହେଲା ରାଜନୀତି ମୈଦାନରେ ଶଶୁର ରାଜ କିଶୋର ପ୍ରଧାନ ଜିଲ୍ଲା ପରିଷଦ ସଦସ୍ୟ, ରଶ୍ମିଙ୍କ ସାନ ଜାଆ ମିନତୀ ପ୍ରଧାନ ସମିତି ସଭ୍ୟ ହୋଇ ପରେ ପୁରୁଷୋତ୍ତମପୁର ବ୍ଲକର ଅଧକ୍ଷ ହୋଇଥିଲା ବେଳେ ମିନତୀଙ୍କ ସାନ ଜାଆ ଗତଥର ସରପଞ୍ଚ ହୋଇଥିଲେ । ତେବେ ତାଙ୍କର ପରିବାରରକୁ ଗାଁ ଲୋକେ ଭଲ ପାଉଥିବାରୁ କିଶୋର ବାବୁଙ୍କ ଦେହାନ୍ତ ପରେ ବି ତାଙ୍କ ପିଲାମାନେ ରାଜନୀତିରେ ସଫଳ ହୋଇଛନ୍ତି ।