ହରଭଙ୍ଗା,୧୧/୦୭- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଛାରିଚକ -କୁଶଙ୍ଗ ପୂର୍ତ୍ତବିଭାଗ ରାସ୍ତାର ଲକ୍ଷ୍ମଣପୁର ଠାରେ ଆଜି ଏକ ବାଇକ ଦୁର୍ଘଟଣା ଘଟି ୨ ଗୁରୁତର ହୋଇଥିବା ଜଣାପଡିଛି । ସୂଚନା ମତେ ସଙ୍କୁଲେଇ ଗ୍ରାମର ରାଜକିଶୋର ଦନାୟକ ଓ ତପନ ଗାଈଗୌରିଆ ଉଭୟ ଏକ ବାଇକ ଯୋଗେ ଚାରିଛକକୁ ବ୍ୟାଙ୍କ କାର୍ଯ୍ୟରେ ଆସି ଘରକୁ ଫେରୁଥିବା ସମୟରେ ଚାଳକଙ୍କ ଅସାବଧାନତା ଯୋଗୁଁ ବାଇକଟି ରାସ୍ତାର ଖୁମ୍ବରେ ବାଡେଇ ହେବାରୁ ବହୁ ଦୂରକୁ ଛିଟିକି ପଡି ଉଭୟ ଗୁରୁତର ଆହତ ହୋଇଥିଲେ । ସଙ୍ଗେସଙ୍ଗେ ସ୍ଥାନୀୟ ଲୋକେ ଉଦ୍ଧାରକରି ୧୦୮ ଆମ୍ବୁଲାନ୍ସ ଯୋଗେ ଉଭୟଙ୍କୁ ପୁରୁଣାକଟକ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଥିଲା । ପୁରୁଣା କଟକ ପୋଲିସ ବାଇକ ଜବତ କରି ଘଟଣାର ତଦନ୍ତ ଜାରି ରଖିଛି ।
