ହରଭଙ୍ଗା,୨୪/୭- ବୌଦ୍ଧ ଜିଲ୍ଲା ଦେଇ ଯାଇଥିବା ଖୋର୍ଦ୍ଧା -ବଲାଙ୍ଗୀର ୫୭ନମ୍ୱର ଜାତୀୟ ରାଜପଥ ପୁରୁଣାକଟକ ଥାନା କରୋଡାକୋଠା ନିକଟରେ ଏକ ତୀର୍ଥଯାତ୍ରୀ ବୋଲେରୋ ଭାରସାମ୍ୟ ହରାଇ ରାସ୍ତାତଳକୁ ଖସି ପଡ଼ିଥିବା ଜଣାପଡିଛି । ସୂଚନାମତେ ମୟୁରଭଞ୍ଜ ମାଣିକପୁର ଅଞ୍ଚଳରୁ ୯ଜଣ ଯାତ୍ରୀ ହରିଶଙ୍କରରୁ ତୀର୍ଥ ସାରି ପୁରୀ ଅଭିମୁଖେ ଯାଉଥିବାବେଳେ ଚାଳକ ଭରସାମ୍ୟ ହରାଇବାରୁ ବୋଲେରୋଟି ଜାତୀୟ ରାଜପଥ କଡ଼ରେ ଥିବା ଏକ ଗଛରେ ବାଡେଇ ହୋଇ ତଳକୁ ଖସି ପଡ଼ିଥିଲା । ଫଳରେ ଏଥିରେ ଜଣେ ଆହତ ହୋଇଥିବା ବେଳେ ଅନ୍ୟମାନେ ଅଳ୍ପକେ ବଡ଼ ଦୁର୍ଘଟଣାରୁ ବର୍ତ୍ତି ଯାଇଥିବା ଜଣାପଡିଛି । ଆହତଙ୍କୁ ପୁରୁଣାକଟକ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୁରୁଣା କଟକ ପୋଲିସ ପହଁଚି ତଦନ୍ତ ଜାରି ରଖିଛି ।
