ଯୋଡା,୧୭/୭- ବଜ୍ରାଘାତରେ ୨ ନାବାଳିକା ଗୁରୁତର, ବଡ଼ବିଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଆହତ ମାନେ ହେଲେ, ବଡ଼ବିଲ, ଦାମୁ ହଟିଂ ଅଂଚଳର ମିଥୁନ ମହାକୁଡ଼ଙ୍କ ୮ ବର୍ଷର ଝିଅ ତପସ୍ୱିନୀ ମହକୁଡ଼ ଓ ଅମ୍ରିକ ସିଂହଙ୍କ ୯ ବର୍ଷର ଝିଅ ମନୀଷା କୌର । ସୂଚନା ଅନୁଯାୟୀ, ଏମାନେ ଆଜି ଅପରାହ୍ନ ପ୍ରାୟ ୩ଟା ସମୟରେ ଶୌଚ ପାଇଁ ପାଖ ପଡିଆକୁ ଯାଇଥିଲେ । ତେବେ ଏତିକି ବେଳେ, ହଠାତ୍ ବିଜୁଳି ମାରିଥିଲା, ଯାହାଫଳରେ ଉଭୟ ଗୁରୁତର ଆହତ ହୋଇଥିଲେ । ପରିବାର ଲୋକେ ସେମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ନେଇ ବଡ଼ବିଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ତାଙ୍କର ଚିକିତ୍ସା କରାଯାଉଛି । ଉଭୟ ବିପଦ ମୁକ୍ତ ଥିବା ଜଣାପଡିଛି ।
