ବୌଦ୍ଧ – ଗତକାଲି ସନ୍ଧ୍ୟାରେ ବାଇକ ଧକ୍କାରେ ଆହତ ହୋଇଥିବା ସରସରା ରୁଗୁଡି ସାହିର ଯୁବକ ସିପୁନ୍ ପ୍ରଧାନ(20)ଙ୍କ ମ୍ରୁତ୍ୟୁ ହୋଇଯାଇଅଛି l ମିଳିଥିବା ସୂଚନା ଅନୁଯାୟୀ ତାଙ୍କୁ ବୁର୍ଲା ଡାକ୍ତରଖାନାକୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ସ୍ଥାନାନ୍ତର କରାଯାଉଥିବା ବେଳେ ବlଉଁଶୁଣି ନିକଟରେ ମୃତ୍ୟୁବରଣ କରିଥିଲେ | ଏ ଖବର୍ ପ୍ରଚାରିତ ହେବା ପରେ ସରସରା ଅଂଚଳରେ ଶୋକର ଛାୟା ଖେଳି ଯାଇଛି l
ଗତକାଲି ସନ୍ଧ୍ୟାରେ ସିପୁନ୍ ଚାଲି ଚାଲି ଯାଉଥିବା ବେଳେ ମଡେଲ୍ ଡ଼ିଗ୍ରୀ କଲେଜ୍ ନିକଟରେ ଏକ ବାଇକ ଜୋରରେ ଧକ୍କା ଦେଇଥିଲା l ବାଇକ ଚାଳକ ମଥୁରା ଗ୍ରାମର ସୁଜିତ୍ ଷlଣ୍ଢ ମଧ୍ୟ ଆହତ ହୋଇଥିଲେ l ଉଭୟଙ୍କୁ 108 ଆମ୍ବୁଲାନସ୍ ଉଦ୍ଧାର କରି ବୌଦ୍ଧ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲା l ସିପୁନର ସ୍ବାସ୍ଥ୍ୟ ଅବସ୍ଥା ଗୁରୁତର ହେବାରୁ ବୁର୍ଲା ଡାକ୍ତରଖାନାକୁ ନେବା ପାଇଁ ଡାକ୍ତର ପରାମର୍ଶ ଦେଇଥିଲେ ଓ ବୁର୍ଲା ଯିବା ବାଟରେ ବlଉଁଶୁଣି ନିକଟରେ ତାଂକର ମ୍ରୁତ୍ୟୁ ହୋଇଥିବା ପରିବାର ସୂତ୍ରରୁ ପ୍ରକାଶ l
