ବୌଦ୍ଧ – ବୌଦ୍ଧ ସହର ବିରାଜିତ ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ ନେତ୍ରୋତ୍ସବ ଆଜି ଅଣସର ଘରେ ଅନୁଷ୍ଠିତ ହୋଇ ଯାଇଛି l ଆସନ୍ତା କାଲି ସୂର୍ଯ୍ୟପରାଗ ପଡୁଥିବାରୁ ଓ ଆଜି ରାତିରୁ ଦେବନୀତି ନିଷେଧ ରହୁଥିବାରୁ ଆଜି ସକାଳ ପ୍ରାୟ 10 ଘଣ୍ଟା ସମୟରେ ଠାକୁରଙ୍କର ଚିତ୍ରକର ସତ୍ୟ ନାରାୟଣ ମହାରଣା ଶ୍ରୀ ଜୀଉ ମାନଙ୍କ ନେତ୍ର ପ୍ରତିମାକୁ ତୁଳୀ ମୁନରେ ଚିତ୍ରିତ କରିଥିଲେ | କିଛି ସମୟ ପରେ ଠାକୁର ମାନଂକ ନବ ଯୌବନ ବେଶ ଅନୁଷ୍ଠିତ ହୋଇଥିଲା | ଅନ୍ୟ ବର୍ଷ ଗୁଡିକରେ ନବ ଯୌବନ ଦର୍ଶନ ପାଇଁ ଭକ୍ତ ମାନଙ୍କର ଭିଡ ହେଉଥିବା ବେଳେ ଚଳିତ ବର୍ଷ କୋଭିଡ୍ କଟକଣା ଯୋଗୁଁ ମନ୍ଦିର ପରିବେଶ ଖାଲି ରହିଥିଲା l ମନ୍ଦିରର ପୂଜକ, ସେବାକାରୀ ଓ କମିଟି ସଦସ୍ୟ ମାନଂକ ବ୍ୟତିତ ମନ୍ଦିର ପରିସରରେ ଭକ୍ତ ମାନଙ୍କୁ ଦେଖିବାକୁ ମିଳିନଥିଲା l ଆସନ୍ତା 23 ତାରିଖରେ ରଥଯାତ୍ରା ମନ୍ଦିର ପରିସରରେ ଅନୁଷ୍ଠିତ ହେବ | ଚଳିତ ବର୍ଷ କରୋନା ପାଇଁ ପ୍ରଶାସନ କଟକଣା କରିଥିବାରୁ ବଡ଼ ଦାଣ୍ଡରେ ରଥ ଆଉ ଗଡ଼ିବ ନାହିଁ l ସୀମିତ ସେବାୟତଙ୍କୁ ନେଇ ମନ୍ଦିର ପରିସରରେ କେବଳ ରଥ ଯାତ୍ରା, ଅବତାର ଓ ବାହୁଡା ଯାତ୍ରାର ନୀତି ପାଳନ କରାଯିବ ବିନା ଭକ୍ତରେ l
