ବୌଦ୍ଧ – ଆଜି ସକାଳେ ଏସିଏଫ ଜିତେନ୍ଦ୍ର ବେହେରାଙ୍କ ନେତୃତ୍ବରେ ବନ ବିଭାଗର ଏକ ଟିମ୍ ମାଧପୁର ରେଞ୍ଜ ଅଧିନ ଗୁଣ୍ଡରିସlହି ଗ୍ରାମରେ ଚଢାଉ କରି ଖଇର ମାଲିକଙ୍କ ବାଡି ପାଖରୁ ଗୋଟିଏ ମୃତ ସମ୍ବର ମାଂସ ଜବତ୍ କରିବା ସହ 2 ଜଣ ବ୍ୟକ୍ତିଙ୍କୁ ଗିରଫ କରିଛି | ଗତ ରାତିରେ ଆଦେନିଗଡ ଜଙ୍ଗଲରୁ ଗୋଟିଏ ସମ୍ବର ଶିକାର ହୋଇଥିବା କୌଣସି ସୂତ୍ରରୁ ଖବର୍ ପାଇ ଆଜି ସକାଳେ ବନ ବିଭାଗ ପକ୍ଷରୁ ଚଢାଉ କରାଯାଇଥିଲା | ଏଥିରେ ସମ୍ପୃକ୍ତ ଥିବା ଅଭିଯୋଗରେ ଗୁଣ୍ଡରି ସାହିର ଖଇର ମଲ୍ଲିକ (56)ଓ ରାଜା କନ୍ହର୍ (35 ) ଙ୍କୁ ବନ ବିଭାଗ ଅଟକ ରଖି ପଚରା ଉଚୁରା କରୁଛି | ମାଧପୁର ରେଞ୍ଜ ଗତ କିଛି ଦିନ ହେଲା ବନ୍ୟ ଜନ୍ତୁ ଶିକାର ଓ ଗଛ କଟା ମାମଲାରେ ଚର୍ଚ୍ଚାରେ ଥିବା ବେଳେ ଆଜି ଶିକାର ସହ ଶିକାରୀ ଗିରଫ କରିବାରେ ସଫଳ ହୋଇଛି | ଆଜିର ଚଢାଉରେ ଡେପୁଟି ରେଞ୍ଜର୍ ପ୍ରଦୋଷ ମହାରଣା, ମାଧପୁର ରେଞ୍ଜର୍ ସରୋଜ ମିଶ୍ରଙ୍କ ସମେତ ମାଧପୁର ରେଞ୍ଜ ର ସମସ୍ତ କର୍ମଚାରୀ ସହଯୋଗ କରିଥିଲେ |
