ବୌଦ୍ଧ – ବୌଦ୍ଧ ବ୍ଲକ୍ ବଢିଗାଆଁ ଗ୍ରାମପଂଚାୟତ ଅନ୍ତର୍ଗତ ଗିରାସିଙ୍ଗା ଗ୍ରାମରେ ଥିବା ଅଂଗନବାଡି କେନ୍ଦ୍ର ରେ ଗତ ଦୁଇ ବର୍ଷ ଧରି ଅଂଗନବାଡି କର୍ମୀ ନଥିବା ଗ୍ରାମବାସୀ ଅଭିଯୋଗ କରିଛନ୍ତି | ଅଭିଯୋଗ ଅନୁଯାୟୀ ଅଙ୍ଗନବାଡି କର୍ମୀ ବିବାହ ହୋଇ ସୋନପୁର ଜିଲ୍ଲାକୁ ଚାଲିଯାଇଛନ୍ତି l ସେଥିପାଇଁ ନୂତନ ଅଂଗନବାଡି କର୍ମୀ ନିଯୁକ୍ତି ପାଇଁ ଗ୍ରାମବାସୀ ସିଡିପିଓ ବଉଦ ଙ୍କୁ ଗତ 2019 ଡିସେମ୍ବର୍ ମାସରେ ଅଭିଯୋଗ କରିଥିଲେ କିନ୍ତୁ ଆଜିଯାଏଁ ଅଂଗନବାଡି କର୍ମୀ ନିଯୁକ୍ତି ପ୍ରକ୍ରିୟା ଆରମ୍ଭ କରାଯାଇନାହିଁ l ପଡୋଶୀ ଅଲଣିଆ ଗ୍ରାମର ଅଂଗନବାଡି କର୍ମୀ ଗିରାସିଙ୍ଗା ଅଂଗନବାଡି କେନ୍ଦ୍ରର ଅତିରିକ୍ତ ଦାଇତ୍ୱ ତୁଲାଇ ଆସୁଛନ୍ତି | ଦୁଇଟି କେନ୍ଦ୍ରର ଦାୟିତ୍ବ ରେ ଜଣେ କର୍ମୀ ଥିବାରୁ କୌଣସି କାମ ଠିକରେ ହୋଇ ପାରୁ ନଥିବା ଉଭୟ ଗ୍ରାମବାସୀ ଅଭିଯୋଗ କରିଛନ୍ତି | ତେଣୁ ତୁରନ୍ତ ଗିରାସିଙ୍ଗା ଅଂଗନବାଡି କେନ୍ଦ୍ରର ନୂତନ କର୍ମୀ ନିଯୁକ୍ତି ପ୍ରକ୍ରିୟା ଆରମ୍ଭ କରିବାକୁ ଗ୍ରାମବାସୀ ଦାବୀ କରିଛନ୍ତି |
