ବୌଦ୍ଧ – ଆଜି ଭୋର ପ୍ରାୟ 4 ଘଣ୍ଟା ସମୟରେ ବଘିଆପଡା ଗ୍ରାମ ପଂଚାୟତର ଭୁକ୍ତାପଡା ଗ୍ରାମରେ ଘରର ମାଟି କାନ୍ଥ ଭୁଶୁଡ଼ି ପଡ଼ିବାରୁ 5 ଗୋଟି ଛେଳି ମରି ଯାଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଭୁକ୍ତାପଡା ଗ୍ରାମର ଦୁଇ ଭାଇ ସୁଦର୍ଶନ କନ୍ହର ଓ ନବଘନ କନ୍ହରଙ୍କ କୁଠିରେ ଛେଳି ମାନେ ଶୋଇଥିବା ବେଳେ ଆଜି ଭୋର 4 ଘଣ୍ଟା ସମୟରେ ହଠାତ୍ ତାଂକ ଘରର ଗୋଟିଏ ମାଟି କାନ୍ଥ ଭୁଶୁଡ଼ି ପଡି କୁଠିରେ ଥିବା ଛେଳି ମାନଙ୍କ ଉପରେ ପଡିଥିଲା l ଫଳରେ 3 ଗୋଟି ଛେଳି ଓ 2 ଟି ଛେଳି ଛୁଆ ମ୍ରୁତ୍ୟୁ ବରଣ କରିଥିଲେ |
ଖବର ପାଇ ବଘିଆପଡା ରାଜସ୍ୱ ନିରୀକ୍ଷକ ଆଶିଷ ମଲ୍ଲିକ ଭୁକ୍ତାପଡା ଗ୍ରାମକୁ ଯାଇ କ୍ଷୟକ୍ଷତିର ଆକଳନ କରିଛନ୍ତି | ଉଭୟ ପରିବାର ଗରୀବ ଲୋକ ହୋଇଥିବାରୁ ସେମାନଙ୍କୁ ଆବଶ୍ୟକ ସରକାରୀ ସହାୟତା ଯୋଗାଇ ଦେବାକୁ ସେମାନେ ଦାବୀ କରିଛନ୍ତି |
