କୋକସରା,୧୪/୧- କଳାହାଣ୍ଡି ଜିଲ୍ଲା କୋକସରା ବ୍ଲକ ଲଡ଼ୁଗାଁ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଆଠ ଦିବସୀୟ ବାଳିକା ଆତ୍ମସୁରକ୍ଷା ଶିବିର ଉଦଯାପିତ ହୋଇଯାଇଛି । କଲେଜ ଅଧ୍ୟକ୍ଷ ଡ଼ଃ ନିହାରକାନ୍ତ ପଣ୍ଡାଙ୍କ ସଭାପତିତ୍ୱରେ ଆୟୋଜିତ ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ସମାଜସେବୀ ପ୍ରଫୁଲ୍ଲ କୁମାର ମାଝୀ ଯୋଗଦେଇ କୃତି ଛାତ୍ରୀମାନଙ୍କୁ ପୁରସ୍କୃତ କରିଥିଲେ । ଅଧ୍ୟାପକ ସଞ୍ଜୟ ପୁରୋହିତ ଅତିଥି ପରିଚୟ ପ୍ରଦାନସହ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଶିବିରର ସଂଯୋଜିକା ଅଧ୍ୟାପିକା କଲ୍ୟାଣୀ ମହାନ୍ତି ଶିବିରର ଲକ୍ଷ୍ୟ ଓ ଉଦ୍ଦେଶ୍ୟ ଉପସ୍ଥାପନା କରିଥିଲେ । କୋକସରାର ପ୍ରିୟଦର୍ଶିନୀ ବେହେରା ପ୍ରଶିକ୍ଷିକା ଭାବେ ବାଳିକା ମାନଙ୍କୁ ଆତ୍ମସୁରକ୍ଷାର ବିଭିନ୍ନ କୌଶଳ ବିଷୟରେ ପ୍ରଶିକ୍ଷଣ ପ୍ରଦାନ କରିଥିଲେ । ପୁରସ୍କାର ବିତରଣ କାର୍ଯ୍ୟକ୍ରମରେ ପ୍ରଶାନ୍ତ ଯୋଶୀ ଓ ବୀରେନ୍ଦ୍ର ନାରାୟଣ ଦାସ ପରିଚାଳନା କରିଥିବାବେଳେ ଅଧ୍ୟାପକ ଶଙ୍କର ସତନାମୀ, ଭାରତ ଠାକୁର, ଭାଗବତ କଟା, ଦିବାକର ଦୁର୍ଗା, ତୁଳସୀ ବାଗ, ଭାନୁମତୀ ମାଝୀ, ପଦ୍ମା ନାୟକ, ପ୍ରମୋଦ ବେହେରା ପ୍ରମୁଖ ସହଯୋଗ କରିଥିବାବେଳେ ଅଧ୍ୟାପକ ପ୍ରେମାନନ୍ଦ ଶାହା ଧନ୍ୟବାଦ ଅର୍ପଣ କରିଥିଲେ । ୧୫ ଜଣ ଛାତ୍ରୀ ଆତ୍ମସୁରକ୍ଷାର ବିଭିନ୍ନ କୌଶଳ ପ୍ରଦର୍ଶନ କରିଥିଲେ ।
