ପାଟଣାଗଡ଼ : ପାଟଣାଗଡ଼ ଉପଖଣ୍ଡ ଖପ୍ରାଖୋଲ ବ୍ଳକ ଲୁହାସିଂହା ସର୍ବୋଦୟ ନୋଡାଲ ବିଦ୍ୟାପୀଠ ହାଇସ୍କୁଲର ୧୯୯୯ ବ୍ୟାଚର ପୁରାତନ ଛାତ୍ରମାନଙ୍କ ବନ୍ଧୁ ମିଳନ ଉତ୍ସବ ସୁକତେଲ ନଦୀ କୂଳରେ ଛାତ୍ର ଭୂପିନ୍ଦର ମେହେରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି ବନ୍ଧୁ ମିଳନ ଉତ୍ସବରେ ଦୀର୍ଘ ୨୨ ବର୍ଷ ପରେ ନିଜ ସହପାଠୀ ସାଙ୍ଗମାନଙ୍କୁ ପରସ୍ପରକୁ ଭେଟି ହସଖୁସିରେ ଭାବ ବିହ୍ୱଳ ହୋଇପଡ଼ିଥିଲେ । ଆଗାମୀ ଦିନରେ ଶିକ୍ଷାଲାଭ କରିଥିବା ଶିକ୍ଷକ ଶିକ୍ଷୟିତ୍ରୀଙ୍କୁ ଡାକି ବନ୍ଧୁ ମିଳନ କାର୍ଯ୍ୟକ୍ରମ କରିବା ପାଇଁ ନିଷ୍ପତ୍ତି ନିଆଯାଇଥିଲା । ଗୁରୁ ଦକ୍ଷିଣା ପ୍ରଦାନ ସହ ଗୁରୁ ଶିଷ୍ୟ ପରମ୍ପରାକୁ ବଜାୟ ରଖିବା ସର୍ବ ସମ୍ମତି କ୍ରମେ ନିଷ୍ପତ୍ତି ନିଆଯାଇଥିଲା । ସମସ୍ତେ ସମସ୍ତଙ୍କ ଆଉ ୫ ଦିନ ପରେ ନୂତନ ୨୦୨୨ ବର୍ଷ ଆଗମନ କରିବ ଏଣୁ ପରସ୍ପର ମଧ୍ୟରେ ନବବର୍ଷର ଶୁଭ କାମନା ଜଣାଇଥିଲେ । ଏହି ବନ୍ଧୁ ମିଳନ କାର୍ଯ୍ୟକ୍ରମରେ ପୁରାତନ ଛାତ୍ର ସରୋଜ କୁମାର ମେହେର, କୁନା ସିଂଘାଣିଆ, ଲକ୍ଷେଶ୍ୱର ବରିହା, ଦୂର୍ଗା ପ୍ରସାଦ କୁଅଁର, ଲାଲ୍ଟା, ସୁବ୍ରତ ବରିହା, ସୁରେଶଙ୍କ ସମେତ ବହୁ ପୁରାତନ ଛାତ୍ରମାନେ ଉପସ୍ଥିତ ଥିଲେ ।
