ଫୁଲବାଣୀ : ସାରା ରାଜ୍ୟରେ ପ୍ରଥମଥର ପାଇଁ ମାଣ୍ଡିଆ ଦିବସ ପାଳନ କରାଯାଉଛି । ମାଣ୍ଡିଆକୁ ପ୍ରୋତ୍ସାହନ ଦେବା ପାଇଁ ରାଜ୍ୟ ସରକାରଙ୍କ ଦ୍ୱାରା ମିଲେଟ ମିଶନ ଆରମ୍ଭ କରାଯାଇଥିଲା ।ମାର୍ଗଶିର ମାସର ପ୍ରଥମ ଗୁରୁବାରକୁ ମାଣ୍ଡିଆ ଦିବସ ଭାବେ ସରକାର ଘୋଷଣା କରିଥିବା ବେଳେ ଏହି ଅବସରରେ ଆଜି ପୋଲିସ ଉଚ୍ଚ ବିଦ୍ୟାଳୟରେ ମଧ୍ୟ ପାଳିତ ହୋଇଯାଇଛି ମାଣ୍ଡିଆ ଦିବସ । ଏଥିରେ ମୁଖ୍ୟ ଅତିଥ୍ ଭାବେ ରିଜର୍ଭ ଇନ୍ସପେକ୍ଟର ଧର୍ମେନ୍ଦ୍ର ପ୍ରଧାନ ଯୋଗ ଦେଇଥିବା ବେଳେ ଜିଲ୍ଲା ଶିକ୍ଷା କାର୍ଯ୍ୟାଳୟର ଆଇପିଇ ରଙ୍କନିଧି ବେହେରା ସମ୍ମାନିତ ଅତିଥି ଭାବେ ମଞ୍ଚରେ ଉପସ୍ଥିତ ଥିଲେ । ମିଲେଟ ମିଶନ ସରକାରଙ୍କ ଯୋଜନା ଏବଂ ଏହା ଲୋକଙ୍କ ହିତ ଦିଗରେ କାର୍ଯ୍ୟ କରିଥାଏ ଏବଂ ମାଣ୍ଡିଆ ହେଉଛି ପୁଷ୍ଟିର ଭଣ୍ଡାର ବୋଲି ମୁଖ୍ୟ ଅତିଥି କହିଥିଲେ । ବିଦ୍ୟାଳୟର କିଛି ଛାତ୍ର ଛାତ୍ରୀ କୁଇ ପୋଷାକ ପରିଧାନ ପୂର୍ବକ ମାଣ୍ଡିଆରୁ ବିଭିନ୍ନ ସୁସ୍ୱାଦୁ ଖାଦ୍ୟ ଯଥା ମାଣ୍ଡିଆ ଜାଉ, ସୁପ୍,ରୋଟି,ପରଟା,ଖିରୀ, ଚାର୍ଟ,ଇଡିଲି ଇତ୍ୟାଦି ପ୍ରସ୍ତୁତ କରିଥିଲେ । ସୁସ୍ୱାଦୁ ଖାଦ୍ୟ ସବୁକୁ ବିଦ୍ୟାଳୟର ସହ ଶିକ୍ଷୟିତ୍ରୀ କୁନ୍ତଳା କୁମାରୀ ତ୍ରିପାଠୀଙ୍କ ମାର୍ଗ ଦର୍ଶନ କରିବା ସହିତ ସମସ୍ତ ଛାତ୍ର ମାନଙ୍କୁ ମାଣ୍ଡିଆ ଦ୍ୱାରା ପ୍ରସ୍ତୁତ ଖାଦ୍ୟ ଘରେ ଏବଂ ସାହି ପଡୋଶୀରେ ସଚେତନ କରାଇବା ପାଇଁ କହିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଦେବୀ ପ୍ରସାଦ ଶତପଥୀଙ୍କ ସମେତ ଅନ୍ୟ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ମାନେ ସହଯୋଗ କରିଥିଲେ ।
