ନବରଙ୍ଗପୁର,୧୧/୫- ଶରୀରର କାମ ବାସନା ନିମନ୍ତେ ମଣିଷ ଏତେ ତଳକୁ ଖସିଯିବ ତାହା ଶୁଣିଲେ ଆଶ୍ଚର୍ଯ୍ୟ ଲାଗୁଛି । ମଣିଷ ଯେ ପଶୁକୁ ଦୁଷ୍କର୍ମ କରିବ ତାହା ବିଶ୍ୱାସ କରିହେଉନାହିଁ ! କିନ୍ତୁ ଘଟଣାଟି ସତ୍ୟ ।ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ପୌର ପରିଷଦର ୱାର୍ଡ ନଂ ୨ ଢେପଗୁଡା ଠାରେ । ଜଣେ ଯୁବକ ନିଜର କାମ ବାସନାକୁ ମେଣ୍ଟାଇବା ପାଇଁ ଗୋମାତା ସହ ଅପ୍ରାକୃତିକ ଯୌନ ସମ୍ପର୍କ କରିବାକୁ ପଛେଇ ନାହିଁ । ଢେପଗୁଡାର ରଘୁବଂଶ କୁମାର ଝା କିଛି ଗାଈ ପାଳିଛନ୍ତି । ପ୍ରତିଦିନ ଭଳି ସେ ଗତକାଲି ରାତିରେ ନିଜ ଗାଈମାନଙ୍କୁ ଖାଇବାକୁ ଦେଇ ଗୁହାଳରେ ବାନ୍ଧି ରଖିଥିଲେ । କିନ୍ତୁ ରାତି ସମୟରେ ଜଣେ ଯୁବକ ତାଙ୍କ ଗୁହାଳର କାନ୍ଥ ଡେଇଁ ଗୁହାଳରେ ପଶି ଗୋଟିଏ ଗାଈ ସହ ଦୁଷ୍କର୍ମ କରିଥିବା ଦୃଶ୍ୟ ସେ ନିଜ ସିସିଟିଭିରେ କୈଦ ହୋଇଥିବାର ଦେଖି ଉକ୍ତ ଘଟଣା ବିଷୟରେ ଉମରକୋଟ ପୋଲିସକୁ ଜଣେଇଥିଲେ ଓ ସିସିଟିଭି ଫୁଟେଜକୁ ମଧ୍ୟ ଦେଖାଇଥିଲେ । ଆଗରୁ ଗାଈ ସହ ଏଭଳି କାର୍ଯ୍ୟ ହେଉଥିବାର ରଘୁ ଝା ଜାଣି ପାରୁନଥିଲେ । କିନ୍ତୁ ଗତକାଲି ରାତିର ଘଟଣା ସିସିଟିଭିରେ ଦେଖିବା ପରେ ସେ ବିଶ୍ୱାସ କରି ପାରିନଥିଲେ । ଉମରକୋଟ ପୋଲିସ ଅଭିଯୁକ୍ତକୁ ଥାନାରେ ଅଟକ ରଖି ପଚରାଉଚରା ଜାରି ରଖିଥିବା ଜଣାପଡିଛି । ଅଭିଯୁକ୍ତ ଝାରଖଣ୍ଡ ରାଜ୍ୟରୁ ଆସି ଏଠାରେ ରହୁଥିବାର ଜଣାପଡିଛି । ତେବେ ଏଭଳି ଦୃଶ୍ୟ ଏବଂ ପାଶବିକ କାର୍ଯ୍ୟକୁ ଜନସାଧାରଣ ନିନ୍ଦା କରିବାସହ ଏଥିପାଇଁ କଠୋର ଦଣ୍ଡ ପାଇଁ ଦାବିକରିଛନ୍ତି ଗାଈ ମାଲିକ ।
