ଆଠମଲ୍ଲିକ : ରାଜ୍ୟରେ କରୋନା ମାମଲା ଉଦବେଗଜନକ ଭାବେ ବୃଦ୍ଧି ପାଉଥିବାରୁ ଏହାକୁ ଚେକ ଦେବା ପାଇଁ ରାଜ୍ୟ ସରକାରଙ୍କ ପକ୍ଷରୁ କଟକଣା ଜାରି କରାଯାଇଛି । ଏହିକ୍ରମରେ ଆଜି ରାଜ୍ୟର ସମସ୍ତ ସହରାଞ୍ଚଳରେ ନାଇଟ୍ କର୍ଫ୍ୟୁ ଜାରି କରିଛି । ଏସ୍ଆରସିଙ୍କ ନିର୍ଦ୍ଦେଶକ୍ରମେ ଅନୁଗୋଳ ଜିଲ୍ଲାପ୍ରଶାସନ ମଧ୍ୟ ଏ ଦିଗରେ ସଜାଗ ହୋଇଛି । ଆଜିଠାରୁ ଅନୁଗୋଳ ଜିଲ୍ଲାରେ ଲାଗୁ ହେବାକୁ ସ୍ଥାନଗୁଡିକ ସଂପର୍କରେ ଜିଲ୍ଲା ପ୍ରଶାସନ ପକ୍ଷରୁ ଏକ ତାଲିକା ଜାରି କରାଯାଇଛି । ଏ କ୍ରମରେ ଆଠମଲ୍ଲିକ ଅଂଚଳରେ ଲାଗୁ ହେବାକୁ ଥିବା ନାଇଟ କର୍ଫ୍ୟୁ ସ୍ଥାନଗୁଡିକ ହେଲା ଆଠମଲ୍ଲିକ ଏନଏସି ଅଞ୍ଚଳ, ବାମୁର-ସମ୍ବଲପୁର ବର୍ଡର ଚେକ ପଏଣ୍ଟ, ଆଠମଲ୍ଲିକ-ବୌଦ୍ଧ ବର୍ଡର ଚେକ୍ ପଏଣ୍ଟ, ବଇଣ୍ଡା ଜଙ୍କସନ, ବଇଣ୍ଡା ବଜାର, କିଶୋନଗର, ମାଧୁପୁର ଜଙ୍କସନ, କିଆକଟା ଜଙ୍କସନ, ଠାକୁରଗଡ ବଜାର । ଏହି ସମସ୍ତ ଅଂଚଳରେ ଆଜି ରାତ୍ର ୯ଟାରୁ ସକାଳ ୫ଟା ଯାଏଁ ନାଇଟ୍ କର୍ଫ୍ୟୁ ଲାଗୁ ହେବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି ।
