ଗଞ୍ଜାମ : ଦିଗପହଣ୍ଡି ଥାନା ଅନ୍ତର୍ଗତ ପୁରୁଣା ମୌଳାଭଞ୍ଜା ନଦୀ ପଠାରୁ ମହିଳା ନିଖୋଜ । ଭୋର୍ ୫ଟା ସମୟ ରେ କିଶୋର ଗୌଡଙ୍କ ଝିଅ ରିତା ଗୌଡ ନଦୀକୁ ଗାଧୋଇବା ପାଇଁ ଯାଇଥିଲେ । ରିତା ଦିବ୍ୟାଙ୍ଗ ଅଟନ୍ତି ହେଲେ ସେ ଫେରିନଥିଲେ । ପରିବାର ବର୍ଗ ବହୁ ଖୋଜାଖୋଜି କରି ନିରାଶ ହେବା ପରେ ଅଗ୍ନିଶମ ବାହିନୀକୁ ଜଣାଇଥିଲେ । ଅଗ୍ନିଶମ କର୍ମଚାରୀ ମାନେ ମୌଳାଭଞ୍ଜା ପରେ ଘୋଡାହାଡ ନଦୀ ସଂଯୋଗ କରୁଥିବା ଆଖ ପାଖ ନଦୀପଠା ଗୁଡିକରେ ଖୋଜିଥିଲେ । କୌଣସି ଟେର୍ ନପାଇବା ଫଳରେ ପରିବାରବର୍ଗ ଦିଗପହଣ୍ଡି ଥାନାରେ ଲିଖିତ ଏତଲା ଦେଇଛନ୍ତି ।
