ବୌଦ୍ଧ – କଣ୍ଟାମାଳ ବ୍ଲକ୍ ସ୍ଥିତ ଖଟଖଟିଆ ଗ୍ରାମର ଦାମୋଦର ନନ୍ଦଙ୍କ ସୁପୁତ୍ର ବାଙ୍ଗାଲୋର ସ୍ଥିତ ଭାରତୀୟ ବିଜ୍ଞାନ ସଂସ୍ଥାନର ପ୍ରଫେସର୍ ଡ କରୁଣାକର ନନ୍ଦ ଏବଂ ତାଙ୍କର ସହଯୋଗୀ ଡ ରବିନନ୍ଦନଙ୍କ ସହାୟତାରେ ଗରୀବ ପରିବାରକୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି । ଉଭୟଙ୍କ ମିଳିତ ସହଯୋଗରେ ଆର୍ଥିକ ଦୁର୍ବଳ ବ୍ୟକ୍ତିମାନଙ୍କୁ ବୌଦ୍ଧ ଜିଲ୍ଲାର କଣ୍ଟାମାଳ ବ୍ଲକର ଖଟଖଟିଆ ଗ୍ରାମପଞ୍ଚାୟତର ଖଟଖଟିଆ, ବ୍ରାହ୍ମଣୀ, ସହରିପାଲି, ସିନ୍ଦୁରପୁର, ଜାଲପାଲି ,ଦମାମୁଣ୍ଡା ଆଦି ଗ୍ରାମରେ ନୂଆଁଖାଇ ଉପଲକ୍ଷେ ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିବା ଜଣାପଡିଛି ।
ଏହି ବଣ୍ଟନ ପ୍ରକ୍ରିୟାରେ ସଙ୍କୀର୍ତ୍ତନ ଦେହୁରୀ, ବାଦଲ ଦଳବେହେରା, ଚତୁର୍ଭୁଜ କର୍ଣ୍ଣ, କୁନ୍ଦନ୍ ଦେହୁରୀ , ରୀଙ୍କୁ ମିଶ୍ର, ସ୍ୱେଚ୍ଛାସେବୀ ସଚିତାନନ୍ଦ ମିଶ୍ର ଆଦି ସହାୟତା କରିଥିଲେ ।
ଛାତ୍ରଛାତ୍ରୀଙ୍କ ମନରେ ବିଜ୍ଞାନ ପ୍ରତି ଆଗ୍ରହ ସୃଷ୍ଟି କରିବା ପାଇଁ ପ୍ରଫେସର ନନ୍ଦ ହାଇସ୍କୁଲସ୍ତରରେ କୁଇଜ୍ ପ୍ରତିଯୋଗିତା ମଧ୍ୟ ଆରମ୍ଭ କରିବାକୁ ଯାଉଛନ୍ତି ।
