ସୁବର୍ଣ୍ଣପୁର : ଗତକାଲି ଓଡିଶା ସାମ୍ବାଦିକ ସଂଘ ଓ ମିଡ଼ିଆ ଫୋରମ ପକ୍ଷରୁ ସୁବର୍ଣ୍ଣପୁରର ନୂତନ ଆରଟିଓ ଙ୍କୁ ସ୍ୱାଗତ ସମ୍ବର୍ଦ୍ଧନା ଓ ବିଗତ ଆରଟିଓ ରବୀନ ପଟ୍ଟନାୟକଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ସୁବର୍ଣ୍ଣପୁର ଅତିରିକ୍ତ ଜ଼ିଲ୍ଲାପାଳ ସୂର୍ଯ୍ୟ ନାରାୟଣ ଦାଶ, ସମ୍ମାନିତ ଅତିଥି ଭାବେ ଉପ ଜ଼ିଲ୍ଲାପାଳ ଡ଼, ଈପସିତା ପ୍ରିୟଦର୍ଶନୀ ମିଶ୍ର ଓ ଏସଡିପିଓ ପୁଷ୍ପାଞ୍ଜଳୀ ନିଙ୍ଗୀ ଯୋଗ ଦେଇ ଉଭୟ ଆରଟିଓଙ୍କୁ ସମ୍ବର୍ଦ୍ଧିତ କରିଥିଲେ । ଏହି ସଭାରେ ଜ଼ିଲ୍ଲା ପୋଲିସ ପ୍ରଶାସନ ଓ ଆଞ୍ଚଳିକ ପରିବହନ ବିଭାଗର ସମସ୍ତ ଅଧିକାରୀ, କର୍ମଚାରୀ ଓ ସହରର ବିଭିନ୍ନ ଗଣମାଧ୍ୟମ ପ୍ରତିନିଧି ଯୋଗ ଦେଇଥିଲେ ।
