ପାଟଣାଗଡ଼ : ପାଟଣାଗଡ଼ ବନବିଭାଗ ଲରମ୍ଭା ଫରେଷ୍ଟ ରେଞ୍ଜ ଅଞ୍ଚଳରେ ଏକ ୪୦୭ ଟ୍ରକକୁ ଜବତ କରାଯାଇଥିବା ଜଣାପଡ଼ିଛି । ବିଶ୍ୱସ୍ତ ସୁତ୍ରରୁ ପୂର୍ବରୁ ବଲାଙ୍ଗୀର ଡିଏଫଓ ନିତିଶ କୁମାରଙ୍କ ଦେଇଥିବା ସୂଚନା ମୁତାବକ ପାଇ ପାଟଣାଗଡ଼ ରେଞ୍ଜର ରାଜକୃଷ୍ଣ ଭୋଇଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଲରମ୍ଭା ଫରେଷ୍ଟର ସମସ୍ତ ଷ୍ଟାଫ୍ଙ୍କ ମିଳିତ ଭାବେ ଚଢ଼ାଉ କରି ବେଆଇନ ଭାବେ ଚାଲାଣ ହେଉଥିବା କେନ୍ଦୁଗଣ୍ଡି ପଣ୍ଡରିପାଣିରୁ ଗଭରା ଛକ ନିକଟରେ ରାତି ୧୨.୩୦ଟା ସମୟରେ କେନ୍ଦୁଗଣ୍ଡି ବୋଝେଇ ୪୦୭ ଟ୍ରକ ଗାଡ଼ି ନଂ ସିଡି ୦୪ ଜି ୦୮୮୩ କୁ ଅଟକାଇ । ଜବତ କରାଯାଇଥିବା ବେଳେ ଡ୍ରାଇଭର ଫେରାର ହୋଇଥିବା ରେଞ୍ଜର ଶ୍ରୀ ଭୋଇ କହିଛନ୍ତି । ଜବତ ହୋଇଥିବା ଟ୍ରକ୍କୁ ପାଟଣାଗଡ଼ ରେଞ୍ଜ ଅଫିସ କୁ ଅଣାଯାଇଥିଲା ବେଳେ ଜବତ ହୋଇଥିବା ୬୫ ଖଣ୍ଡ କେନ୍ଦୁଗଣ୍ଡି କାଠ ହାରାହାରି ମୂଲ୍ୟ ଦୁଇ ଲକ୍ଷରୁ ଉଦ୍ଧ୍ୱର୍ ଟଙ୍କା ହେବ ବୋଲି ରେଞ୍ଜର ଶ୍ରୀ ଭୋଇ ସୂଚନା ଦେଇଛନ୍ତି । ଲରମ୍ଭା ଫରେଷ୍ଟର ଭାଗବତ ଦାସ, ଅରବିନ୍ଦ ଧରୁଆ , ପାଟଣାଗଡ଼ ଫରେଷ୍ଟର ଶ୍ୟାମସୁନ୍ଦର ସାହୁ, ଫରେଷ୍ଟ ଗାର୍ଡ ଗୋବିନ୍ଦ ପାତ୍ର, ରାଜେନ୍ଦ୍ର ଧରୁଆ, ସୁନ୍ଦର ସାଏ, ଗୋପାଳ ଗଡତ୍ୟା, ବାବୁଲା ସିଂ,ଉତ୍ତମ ସିଂ ପ୍ରମୁଖ ଚଢ଼ାଉ ରେ ସାମିଲ ଥିଲେ ।
