ପାଟଣାଗଡ଼,୪/୧୨- ବଲାଙ୍ଗିର ଜିଲ୍ଲା ପାଟଣାଗଡ଼ ବସଷ୍ଟାଣ୍ଡ ଠାରେ ପୋଲିସ ଏକ ବୋଲେରୋ ଗାଡ଼ିରେ ଥିବା ଦୁଇ ପେଟି କପସିରଫ ଜବତ କରିଛି । କିନ୍ତୁ ଗାଡି ଚାଳକ ଓ କପ ସିରଫ ଚାଲାଣ କରୁଥିବା ବ୍ୟକ୍ତି ଘଟଣା ସ୍ଥଳରୁ ଫେରାର ହୋଇଛନ୍ତି । ସୂଚନା ଅନୁଯାୟୀ କପସିରଫ ଚାଲାଣ ସମ୍ପର୍କରେ ପୋଲିସ କୌଣସି ସୁତ୍ରରୁ ସୂଚନା ପାଇ ଉକ୍ତ ଗାଡିଟିକୁ ପିଛା କରିଥିଲା । ଏହା ଜାଣିବାପରେ ପାଟଣାଗଡ଼ ଡାକ୍ତରଖାନା ସମ୍ମୁଖରେ ବୋଲେରୋ ଗାଡି ରଖି ଉଭୟେ ଫେରାର ମାରିଥିଲେ । ପୋଲିସ୍ ଉକ୍ତ ଗାଡିରୁ ଦୁଇ ପେଟି କପସିରଫ ୪୪୦ ବୋତଲ ସହିତ ବୋଲେରୋ ଗାଡି ଓଆର-୦୫-ଏଇ-୯୭୦୧କୁ ଜବତ କରିଛି । ଏହାକୁ ପୁସ୍ତମ ହଂସ ଓ ସହଯୋଗୀ ପାଟଣାଗଡ଼ ଅଂଚଳକୁ ନେଉଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି । ପୋଲିସ କେଶ ନମ୍ବର ୨୨୩/୨ ରେ ଏକ ମାମଲା ରୁଜୁ କରି ତଦନ୍ତ କରୁଛି । ଖୁବ ଶୀଘ୍ର ପଦ୍ମପୁର ଆସି ପୁସ୍ତମ ହଂସକୁ ଗିରଫ କରାଯିବ ବୋଲି ପାଟଣାଗଡ଼ ଆଇଆଇସି ସୂଚନା ଦେଇଛନ୍ତି ।
