ପାଟଣାଗଡ଼,୧୪/୧୧- ପାଟଣାଗଡ଼ ନିର୍ବାଚନମଣ୍ଡଳୀର ବେଲପଡ଼ା ବ୍ଲକ ମଧ୍ୟପୁରଠାରେ ବିଜେଡ଼ିର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ସମସ୍ତ ଦଳ ଏବେ ସଜାଗ ରହିବାପାଇଁ ପ୍ରସ୍ତୁତ ହେଉଛନ୍ତି । ଏପଟେ ରାଜ୍ୟ ସରକାରଙ୍କ ବିଜୁ ଜନତା ଦଳର ଦିନକୁଦିନ ମିଶ୍ରଣ ପର୍ବ ଅନୁଷ୍ଠିତ ହେଉଛି । ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ମଧ୍ୟପୁର ଗାଁ ଫୁଟବଲ ଖେଳପଡିଆରେ ଆଜି ବିଜୁ ଜନତା ଦଳର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଅଛି । ଦିନ ଥିଲା ବେଲପଡା ବ୍ଳକ ୨୬ ନମ୍ବର ଜୋନ୍ ଥିଲା ବିଜେପି ଗଡ ହେଲେ ବିଗତବର୍ଷ ଜିଲ୍ଲା ପରିଷଦ ଉପନିର୍ବାଚନରେ ମଣ୍ଡଳ ଜୋନ୍ରେ ବିଧାୟକ ସରୋଜ କୁମାର ମେହେର ଚ୍ୟାଲେଞ୍ଜ ସୃଷ୍ଟିକରି ବିଜୁ ଜନତା ଦଳକୁ ବିଜୟୀ କରିଥିଲେ । ଧିରେ ଧିରେ ବିଜୁ ଜନତା ଦଳର କର୍ମୀ ବଢ଼ିବାରେ ଲାଗିଲାଣି । ଏବେ ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ଆଜି ବେଲପଡା ବ୍ଳକ ୨୬ ନମ୍ବର ଜୋନ୍ରେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏଥିରେ ଅଞ୍ଚଳର ବିଜେପି ଓ କଂଗ୍ରେସ ଦଳ ୭୦୦ କର୍ମୀ ଯୋଗଦାନ କରିଛନ୍ତି । ବିଧାୟକ ସରୋଜ କୁମାର ମେହେରଙ୍କ କାର୍ଯ୍ୟ ପ୍ରତି ଆଗ୍ରହହୋଇ ଆଜି ବିଜୁ ଜନତାରେ ଯୋଗଦାନ କରିଛନ୍ତି । ଆଜିର ଏହି ମିଶ୍ରଣ ପର୍ବରେ ବିଧାୟକ ସରୋଜ କୁମାର ମେହେରଙ୍କ ସହିତ ବିଜୁ ଜନତା ଦଳର ଜିଲ୍ଲା ଉପସଭାପତି ମହେଶ୍ୱର ସାହୁ, ବିଧାୟକଙ୍କ ପ୍ରତିନିଧି ଗଣେଶ କୁମ୍ଭାର, ଜିଲ୍ଲା ଯୁବ ସାଧାରଣ ସମ୍ପାଦକ ଦୁର୍ଯ୍ୟୋଧନ କୁମ୍ଭାର, ଜିଲ୍ଲା ପରିଷଦ ବିଶ୍ୱାମିତ୍ର ବିଶି, ପୂର୍ବତନ ଜିଲ୍ଲାପରିଷଦ ଦାମୋଦର ଯୋଶୀ, ଧୁମାଭଟା ପଞ୍ଚାୟତ ସରପଞ୍ଚ ଯମୁନା ରଣା ପ୍ରମୁଖ ଉପସ୍ଥିତ ଥିଲେ ।
