ପାଟଣାଗଡ,୨୬/୯- ବଲାଙ୍ଗିରଜିଲ୍ଲା ପାଟଣାଗଡ ଉପଖଣ୍ଡ ଲରମ୍ଭା ଗ୍ରାମର ବଜାର ପ୍ରାଙ୍ଗଣଠାରେ ଅଖିଳ ଗୋଣ୍ଡୋୱ ।ନା ସମାଜ ପକ୍ଷରୁ ଉପଖଣ୍ଡସ୍ତରୀୟ ନୂଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ଏହି ଭେଟଘାଟ କାର୍ଯ୍ୟକ୍ରମରେ ଜିଲ୍ଲା ସଭାପତି ଶ୍ୟାମସୁନ୍ଦର ଭୋଇ ମୁଖ୍ୟଅତିଥି ,ଉପସଭାପତି ବିନୋଦ ମଲିକ ,ପର୍ଲିଆୟୋଜନ ସମିତି ସଭାପତି ଚିନ୍ତାମଣି ଭୁଏ , ବ୍ଳକ ଆୟୋଜନ ସମିତି ସଭାପତି ଭୁବନେଶ୍ୱର କୁଅଁର , ଉପସଭାପତି ଦୁର୍ଯ୍ୟୋଧନ ଭୁଏ, ହରେକୃଷ୍ଣ ଧରୁଆ, ଶିଶିର ଧରୁଆ ପ୍ରମୁଖ ସମ୍ମାନିତ ଅତିଥିଭାବେ ଯୋଗଦେଇଥିଲେ । ପ୍ରାରମ୍ଭରୁ ସମାଜ ଇଷ୍ଟ ଦେବାଦେବୀ ବୁଢାଦେଓଙ୍କୁ ପୂଜାର୍ଚ୍ଚନା ସହ ସାମୁହିକ ପ୍ରାର୍ଥନା କରାଯାଇଥିଲା । ଶିକ୍ଷା ,ସ୍ୱାସ୍ୟ୍ଥ ,ସାମାଜିକ ଅର୍ଥନୈତିକ ,ସାଂସ୍କୃତିକ ବିକାଶର ବିଭିନ୍ନ ଦିଗ ଉପରେ ଆଲୋକପାତ କରିଥିବାବେଳେ ନୂଆଁଖାଇ ଏକ ଭାଇଚାର ବହନ କରେ ବୋଲି କହିଥିଲେ । ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ମେଧାବୀ ଓ କୃତୀ ଛାତ୍ରଛାତ୍ରୀମାନଙ୍କୁ ମାନପତ୍ର ଉପଢୈାକନ ଦେଇ ସମ୍ମାନିତ କରାଯାଇଥିବାବେଳେ ଉପସ୍ଥିତ ଗଣମାଧ୍ୟମ ପ୍ରତିନିଧି ଲଲିତ ମଲ୍ଲିକ ଓ ଚନ୍ଦ୍ରଶେଖର ବରିହାଙ୍କୁ ସମାଜ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଉପଖଣ୍ଡର ପାଟଣାଗଡ, ଖପ୍ରାଖୋଲ,ବେଲପଡା ଆଦି ବ୍ଳକରୁ ଶତାଧିକ ମହିଳା ପୁରୁଷ ଯୋଗଦେଇଥିଲେ । ଲେକୃ ଧରୁଆ ମଞ୍ଚ ପରିଚଳନା କରିଥିବାବେଳେ ଟିକେଶ୍ୱର ଧରୁଆ ଧନ୍ୟବାଦ ଅର୍ପଣ କରିଥିଲେ ।
