ଫୁଲବାଣୀ,୨୬/୯:- କନ୍ଧମାଳ ମିଡିଆ ଫୋରମ ପକ୍ଷରୁ ଆସନ୍ତା ୩୦ ଓ ୧ ତାରିଖ ଦୁଇଦିନିଆ କର୍ମଶାଳା ଅନୁଷ୍ଠିତ ହେବାକୁ ଯାଉଛି । ଏଥିସହ ସଙ୍ଘର ବାର୍ଷିକ ଉତ୍ସବ ମଧ୍ୟ ମହାଆଡମ୍ବର ସହକାରେ ପାଳନ କରାଯିବ । ଏହି କର୍ମଶାଳାରେ ଖଣ୍ଡପଡା ବିଧାୟକ ସୌମ୍ୟରଞ୍ଜନ ପଟ୍ଟନାୟକ ଓ ରାଜ୍ୟର ବରିଷ୍ଠ ସାମ୍ବାଦିକ ନୀଳାମ୍ବର ରଥ, ରାଜାରାମ ଶତପଥୀ, ଅରବିନ୍ଦ ମହାପାତ୍ର, ପ୍ରିୟରଞ୍ଜନ ସାହୁ, ଡଃ ଜ୍ୟୋତି ପ୍ରକାଶ ମହାପାତ୍ର ଓ ଡଃ ରାଜୀବ କୁମାର ପଣ୍ଡା ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି । କାର୍ଯ୍ୟକ୍ରମର ସୁପରିଚାଳନା ପାଇଁ ଅର୍ଗାନାଇଜିଙ୍ଗ କମିଟି, ଫାଇନାନ୍ସ କମିଟି, ଫୁଡ କମିଟି, ରିସେପସନ କମିଟି, ସାଂସ୍କୃତିକ କମିଟି ଆଦି ଗଠନ କରାଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲାର ଶତାଧିକ ଗଣମାଧ୍ୟମ ପ୍ରତିନିଧିମାନେ ଯୋଗ ଦେବେ ବୋଲି ଫୋରମର ସମ୍ପାଦକ ଡଃ ସୂର୍ଯ୍ୟ ନାରାୟଣ ବେହେରା ସୂଚନା ଦେଇଛନ୍ତି । କାର୍ଯ୍ୟକ୍ରମକୁ ସଫଳ କରିବା ପାଇଁ ସଭାପତି ସୁନୀଲ ବିଶ୍ୱାଳ ସମସ୍ତଙ୍କ ସହଯୋଗ କାମନା କରିଛନ୍ତି ଏବଂ ବହୁ ସଂଖ୍ୟାରେ ସାମ୍ବାଦିକ କର୍ମଶାଳାରେ ଯୋଗଦାନ କରି ସଫଳ କରିବାପାଇଁ ଅନୁରୋଧ କରିଛନ୍ତି ।
