ଫୁଲବାଣୀ,୯/୮ : ଆଜି ଜାଗ୍ରତ କନ୍ଧମାଳ ପକ୍ଷରୁ ଖଜୁରିପଡା ବ୍ଲକର ପିରିକୁଡ଼ି ଗ୍ରାମପଞ୍ଚାୟତର ବେଡାଙ୍ଗପାଜୁ ଠାରେ ବିଶ୍ୱ ଆଦିବାସୀ ଦିବସ ପାଳନ କରାଯାଇଛି । ଏଥିରେ ଗ୍ରାମର ସମସ୍ତ ପୁରୁଷ ଓ ମହିଳା ମାନେ ଯୋଗଦେଇଥିଲେ । ସମସ୍ତେ ମାସ୍କ ପିନ୍ଧି ସାନିଟାଏଜର ସହିତ ଆଦିବାସୀ ଏକତା ବଜାୟ ରଖିବାକୁ ନିଷ୍ପତ୍ତି ନେଇଥିଲେ । ଆଦିବାସୀ ମାନଙ୍କ ପରମ୍ପରା, ସଂସ୍କୃତି, ଏବଂ ଆଦିବାସୀ ହରିଜନ ସାହୁ ପରଜାର ସମ୍ପର୍କକୁ ବଜାୟ ରଖିବା ବୋଲି ସ୍ଲୋଗାନ ଦେଇଥିଲେ । ସଂଗଠନର ସାଧାରଣ ସମ୍ପାଦକ ତଥା ବରିଷ୍ଠ ଆଇନଜୀବୀ ଶ୍ରୀ ସତ୍ୟ ନାରାୟଣ ବେହେରା ଓ ସମ୍ପାଦକ ବିଚିତ୍ର ବିର୍ଜ ପ୍ରଧାନଙ୍କ ନେତୃତ୍ୱରେ ଏହି କାର୍ଯ୍ୟକ୍ରମଟି ହୋଇଥିଲା । ଏଥିରେ କୈଳାସିନି ପ୍ରଧାନ, ୱାଡ଼ମେମ୍ବର ସବିତା ପ୍ରଧାନ, ଲୀଳାବତୀ ପ୍ରଧାନ, ପୂର୍ବତନ ସରପଞ୍ଚ କୁମୁଦ ଚନ୍ଦ୍ର ପ୍ରଧାନ,ବିଭୁତି ପ୍ରଧାନ,ଦୀପକ ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
