ଫୁଲବାଣୀ,୨୭/୧୧- ଆଜି ପରିଚୟ ଫାଉଣ୍ଡେସନର ଆନୁକୁଲ୍ୟରେ କିସ୍ ଫାଉଣ୍ଡେସନର ସହଯୋଗରେ ଓ ଏସବିଆଇର ଚିଲଡ୍ରେନ୍ସ ୱେଲଫେୟାର ଫଣ୍ଡର ସହାୟତାରେ ଫୁଲବାଣୀର ରୁଜାଙ୍ଗି ଉଚ୍ଚ ବିଦ୍ୟାଳୟ ଠାରେ ୧୦୦ ଜଣ ପିଲାଙ୍କୁ ସୋଲାର ଲାଇଟ ବଣ୍ଟନ କରାଯାଇଥିଲା । ଆଜି ୧୫ ତମ ପରିଚୟ ଫାଉଣ୍ଡେସନର ପ୍ରତିଷ୍ଠା ଦିବସରେ କନ୍ଧମାଳର ରୁଜାଙ୍ଗି ହାଇସ୍କୁଲରେ ସଭାପତି ରୋଜାଲିନ ପାଟଶାଣୀ ମିଶ୍ର ଉପସ୍ଥିତ ରହି ନିଜ ହାତରେ ସ୍କୁଲର ଛାତ୍ରୀମାନଙ୍କୁ ସୋଲାର ଲାଇଟ ବିତରଣ କରିଥିଲେ । ଏହାଦ୍ୱାରା ବାରମ୍ବାର ବିଜୁଳି କାଟରୁ ଗ୍ରାମାଞ୍ଚଳର ଛାତ୍ରୀମାନେ ପାଠପଢାରେ ଯେଉଁ ବ୍ୟାଘାତ ଘଟୁଥିଲା ତାହା ସମାଧାନ ହୋଇପାରିବ, ପିଲାମାନେ ସୋଲାର ଲାଇଟରେ ପାଠ ପଢି ପାରିବେ । ସୋଲାର ଲାଇଟ ପାଇ ପିଲାମାନେ ଓ ଅଭିଭାବକ ମାନେ କିସ ଫାଉଣ୍ଡେସନର ପ୍ରତିଷ୍ଠାତା ତଥା କନ୍ଧମାଳ ସାଂସଦ ଡଃ ଅଚ୍ୟୁତ ସାମନ୍ତ ଓ ପରିଚୟ ଫାଉଣ୍ଡେସନକୁ ଧନ୍ୟବାଦ ଜଣାଇଛନ୍ତି ।
