ଫୁଲବାଣୀ,୨/୧୦- କନ୍ଧମାଳ ଜିଲ୍ଲାର ସ୍ଥାନୀୟ ଅରବିନ୍ଦ ନଗର ଅଙ୍ଗନବାଡି କେନ୍ଦ୍ରରେ ଜାତିରପିତା ମହାତ୍ମାଗାନ୍ଧୀଙ୍କ ୧୫୨ ତମ ଜନ୍ମଜୟନ୍ତୀ ପାଳନ କରାଯାଇଛି । ଏହି ଅବସରରେ ମୁଖ୍ୟଅତିଥି ଭାବେ ଜାଗ୍ରତ କନ୍ଧମାଳର ପ୍ରତିଷ୍ଠାତା ଓ ସମାଜସେବୀ ସତ୍ୟନାରାୟଣ ବେହେରା, ସାମ୍ବାଦିକ ରମେଶ ଚନ୍ଦ୍ର ପ୍ରଧାନ, ବଟକୃଷ୍ଣ ପ୍ରଧାନ ସ୍ୱେଛାସେବୀମାନେ ଯୋଗଦେଇଥିଲେ । ଆଜି ହେଉଛି ଜାତିର ପିତା ମହାତ୍ମା ଗାନ୍ଧୀଙ୍କ ଜନ୍ମଜୟନ୍ତୀ । ଦେଶକୁ ଇଂରେଜ ଶାସନ କବଳରୁ ସ୍ୱାଧୀନ କରିବାକୁ ଅହିଁସାର ପଥ ଦେଖାଇଥିଲେ ସମସ୍ତ ଆନ୍ଦୋଳନକାରୀଙ୍କୁ । ସେହି ଅହିଂସା ଅସ୍ତ୍ରରେ ଦେଶକୁ ସ୍ୱାଧୀନ ଆଣିଥିଲେ ଜାତିର ପିତା ମହାତ୍ମାଗାନ୍ଧୀ । ଏହି ଅବସରରେ ଅରବିନ୍ଦନଗର ଅଙ୍ଗନବାଡି କେନ୍ଦ୍ରରେ କୁନି କୁନି ପିଲାମାନେ ମଧ୍ୟ ଭୁଲିନଥିଲେ ଜାତିରପିତା ମହାତ୍ମାଗାନ୍ଧୀଙ୍କ ଫଟୋରେ ପୁଷ୍ପ ଚଢାଇବାକୁ । ଜାଗ୍ରତ କନ୍ଧମାଳ ପକ୍ଷରୁ କୁନିକୁନି ପିଲାମାନକୁ ମିଷ୍ଟାନ୍ନ ବଣ୍ଟନ କରାଯାଇଥିଲା । ଅଙ୍ଗନବାଡ଼ି କର୍ମୀ ବୈଜୟନ୍ତି କହଁର ଓ ସହାୟିକା ମାମି କହଁର ପ୍ରମୁଖ ସହଯୋଗ କରିଥିଲେ ।
