ପୁରୀ,୨/୮- ଟୋକିଓ ଅଲମ୍ପିକରେ ଭାରତୀୟ ମହିଳା ହକି ଟିମ ସେମିଫାଇନାଲରେ ପ୍ରବେଶ କରିଛି । ଶକ୍ତିଶାଳୀ ଅଷ୍ଟ୍ରେଲିଆକୁ କ୍ୱାର୍ଟର ଫାଇନାଲରେ ଭାରତ ହରାଇ ଏହି ଇତିହାସ ରଚିଥିବା ବେଳେ ଏବେ ସମସ୍ତ ଦେଶବାସୀ ମହିଳା ହକି ଟିମକୁ ସଫଳତା ପାଇଁ ଶୁଭେଚ୍ଛା ଦେଇଛନ୍ତି । ଏହି ଅବସରରେ ବାଲୁକା ଚିତ୍ରଶିଳ୍ପୀ ସୁଦର୍ଶନ ପଟ୍ଟନାୟକ ମଧ୍ୟ ବାଲୁକା ଚିତ୍ର ମାଧ୍ୟମରେ ନିଜର ଶୁଭେଚ୍ଛା ଜଣାଇଛନ୍ତି । ବାଲିରେ ୧୫ ଫୁଟ ଲମ୍ୱର ଏକ ହକି ଷ୍ଟିକ ଓ ଏକ ମିନି ଷ୍ଟାଡିଅମର ପ୍ରତିକୃତି ନିର୍ମାଣ କରିଛନ୍ତି । ଭାରତୀୟ ମହିଳା ହକି ଟିମ ଏହିଭଳି ସଫଳତା ହାସଲ କରି ଭାରତକୁ ଅଲମ୍ପିକ ମେଡାଲ ଦେବାକୁ ସୁଦର୍ଶନ ପଟ୍ଟନାୟକ ବାଲୁକା ଚିତ୍ରକଳା ମାଧ୍ୟମରେ ବାର୍ତ୍ତା ଦେଇଛନ୍ତି ।
