ସୋନପୁର: ରକ୍ତଦାନ ମହା ପୁନ୍ୟ ଏହି ବାର୍ତାକୁ ନେଇ ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ୟାଡମିଂଟନ ଗାଲାକ୍ସି ପକ୍ଷରୁ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ବୀରମହାରାଜପୁର ଅର୍ଣ୍ଣପୁର୍ଣ୍ଣା ରେସିଡେନ୍ସିରେ ଆୟୋଜିତ ଏହି ଶିବିରକୁ ବୀରମହାରାଜପୁର ଉପଜିଲ୍ଲାପାଳ ଅଶୋକ ଭୋଇ, ବିଡିଓ ମୋତିଲାଲ ସୁଲିଆ, ଥାନାଧିକାରୀ ପ୍ରଭା ଧନ ପ୍ରମୁଖ ଅତିଥିଭାବେ ଯୋଗଦେଇ ଉଦଘାଟନ କରିଥିଲେ । ବ୍ୟାଡମିଂଟନ ଗାଲାକ୍ସିର ମୁଖ୍ୟ ତଥା ବିରମହାରାଜପୁର ଏସଡିପିଓ ଧିରଜ ଚୋପଦାରଙ୍କ ନେତୃତ୍ୱରେ ଆୟୋଜିତ ଏହି ଶିବିରରେ କୋଭିଡ ନିୟମକୁ ଦୃଷ୍ଟିରେ ରଖି ଏହି ଶିବିରରେ ମୋଟ ୩୦ ୟୁନିଟ ରକ୍ତ ସଂଗ୍ରହ ହୋଇଥିଲା । ଏହି ଶିବିରରେ ଓଡିଶା ରକ୍ତଦାତା ସଂଘର ସୁବର୍ଣ୍ଣପୁର ଜିଲ୍ଲା ସଦସ୍ୟ ମନୋଜ କୁମାର ପଣ୍ଡା ଯୋଗଦେଇ ରକ୍ତଦାତାମାନଙ୍କୁ ଉତ୍ସାହିତ କରିଛନ୍ତି । ବ୍ୟାଡମିଂଟନ ଗାଲାକ୍ସିର ଡ. ସ୍ୱପ୍ନେଶ୍ୱର ବେହେରା, ଛବିଳ କର୍ଣ୍ଣ, ରାଧାକାନ୍ତ ବାଗ, ଗୋପୀନାଥ କର୍ଣ୍ଣ, ଗିରିଧାରୀ ହୋତା, ମନୋରଞ୍ଜନ ତରିଆ, ଜଗନ୍ନାଥ ମେହେର, ପାର୍ଥସାରଥି କର, ଓମପ୍ରକାଶ ପଣ୍ଡା ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିବାବେଳେ ରକ୍ତ ଭଣ୍ଡାରର ସୁବାଶ ଚନ୍ଦ୍ର ପଣ୍ଡା ଓ ଜଗତ ଦରୁଆନ ଯୋଗଦେଇଥିଲେ ।
