ସୋନପୁର,୧/୭: ସୁବର୍ଣ୍ଣପୁର ଜିଲ୍ଲାକୋଟସମଲାଇ ସ୍ଥିତ ପାତାଳୀ କ୍ଷେତ୍ରରେ ଚତୁର୍ଦ୍ଧାମୂର୍ତ୍ତିଙ୍କ ବାହୁଡା ଯାତ୍ରା ସମାପନ ହୋଇଯାଇଛି । କରୋନା କଟକଣା କୁ ଦୃଷ୍ଟିରେ ରଖି ବିନା ଭକ୍ତରେ ଶ୍ରୀଜୀଉଙ୍କ ନୀତିକାନ୍ତିରେ ସୀମିତ ଭାବେ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଥମେ ସୂର୍ଯ୍ୟ ପୂଜା,ଦ୍ୱାରପାଳ ପୂଜା, ଦ୍ୱାରଫିଟା , ମଙ୍ଗଳ ଆଳତି, ଖେଚୁଡ଼ି ଭୋଗ ପରେ ବେଶ ଓ ମହାଆଳତି ଓ ପୂଜାନୀତି ତାପରେ ଟାହିଆ ଲାଗି କରାଯାଇଥିଲା । ଗଡ଼ତ୍ୟା ଚମରା ଅମାତ ଛେରାପହଁରା କରିଥିବାବେଳେ ମାଁ ମହାଲକ୍ଷ୍ମୀଙ୍କ ଚାହାଣି ବିଜେ ଶ୍ରୀ ଜଗନ୍ନାଥଙ୍କ ଅଧର ଚୁମ୍ବିତ ଫୁଲମାଳନେଇ ଗମ୍ଭୀରାକୁ ପ୍ରତ୍ୟାବର୍ତ୍ତନ କରିଥିଲେ । ଏସମସ୍ତ ପୂଜାନୀତି ଦେବାର୍ଚ୍ଚନ ଦାଶ, ଗୁଣାକର ପଣ୍ଡା, ଚିତ୍ତରଞ୍ଜନ ପାଢ଼ୀ, ସୁଧିର ପୁରୋହିତ, ଶରଦ ଚାନ୍ଦ ତୁଳାଇଥିବାବେଳେ ପୁର୍ଣ୍ଣଚନ୍ଦ୍ର ପାଢ଼ୀ, ଉତ୍ତର ପାତ୍ର, ମହାଦେବ ସାହୁ,ନଳିନୀ ବାଘ,ଜଗଦୀଶ କର୍ଣ୍ଣ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।
