ବ୍ରହ୍ମପୁର : ଆଜି ଚାରିଆଡ଼େ ଜଗତଜନନୀ ମା’ଦୁର୍ଗାଙ୍କ ମହାସପ୍ତମୀ ପୁଜା ଅନୁଷ୍ଠିତ ହେଉଛି ହେଲେ ଆଜି ପରି ଦିନରେ ଏକ ବଡ଼ ଅଘଟଣା ଘଟିଯାଇଛି । ତାରାତାରିଣୀ ମନ୍ଦିର ପରିସରରେ ଥିବା ଦୀପ ଘରେ ଲାଗିଯାଇଛି ନିଆଁ । ଦୀପ ନିଆଁରୁ ଅଗ୍ନିକାଣ୍ଡ ଘଟିଥିବା ଜଣାପଡିଛି। ତେବେ ସବୁଠାରୁ ବଡ଼ କଥା ହେଉଛି ଏହି ଅଘଟଣରେ କାହାର କିଛି କ୍ଷତି ହୋଇନାହିଁ । ତେବେ ଏହି ଘଟଣାକୁ ନେଇ ଭକ୍ତଙ୍କ ମନରେ ଅସନ୍ତୋଷ ଭାବ ପ୍ରକାଶ ପାଇଛି । କରୋନା କଟକଣା କାରଣରୁ କୌଣସି ଭକ୍ତ ମାଙ୍କ ଦର୍ଶନ କରିପାରୁ ନଥିବା ବେଳେ ଭକ୍ତଶୂନ୍ୟ ହୋଇପଡ଼ିଛି ସାରା ରାଜ୍ୟର ପୁଜା ମଣ୍ଡପ । କରୋନା ମହାମାରୀ କାରଣରୁ ବିଭିନ୍ନ କଟକଣା ମଧ୍ୟ ଜାରୀ କରାଯାଇଛି ଫଳରେ ଭକ୍ତ ଓ ମା’ଙ୍କୁ ଯୋଡ଼ିବା ପାଇଁ ମଣ୍ଡପ ଗୁଡ଼ିକରେ ସ୍ୱତନ୍ତ୍ର ଆୟୋଜନ କରାଯାଇଛି । ସୋସିଆଲ୍ ମିଡିଆ ମାଧ୍ୟମରେ ପୂଜାର୍ଚ୍ଚନାର ସିଧା ପ୍ରସାରଣ କରାଯିବ । ଘରେ ରହି ଭକ୍ତମାନେ ମା’ଙ୍କ ଦର୍ଶନ ପାଇବେ ।
