ହରଭଙ୍ଗା :ହରଭଙ୍ଗା ବ୍ଲକ ତିଲେଶ୍ୱର ଫକୀର ଚରଣ ଖେଳ ପଡିଆରେ ତିଲେଶ୍ୱର ଫ୍ରେଣ୍ଡସ ଆସୋସେସନ ଆନୁକୂଲ୍ୟରେ ଆୟୋଜିତ ତିଲେଶ୍ୱର କପ-୨୦୨୨ର ଦ୍ୱିତୀୟ ଦିନର ଖେଳ ଶେଷ ହୋଇଯାଇଛି । ଦ୍ୱିତୀୟ ଦିନ ଫୁଲବାଣୀ ଜେଡି ଫୁଟବଲ କ୍ଳବ ସହିତ ରାମଧେନୁ ଫୁଟବଲ କ୍ଳବ ସୋନପୁର ମଧ୍ୟରେ ସଂଘର୍ଷ ପୂର୍ଣ୍ଣ ଖେଳ ହୋଇଥିଲା । ଉଭୟ ଦଳ ୧-୧ଗୋଲରେ ସମାନସ୍ଥିତିରେ ଥିବାରୁ ସୁଟଆଉଟ ଜରିଆରେ ଫୁଲବାଣୀ ୪-୧ଗୋଲରେ ବିଜୟୀ ହୋଇଥିଲା ।
ଦ୍ୱିତୀୟ ଦିନ ଖେଳରେ ମୁଖ୍ୟ ଅତିଥିଭାବେ ୮ନଂ ଜୋନ ଜିଲ୍ଲାପରିଷଦ ତାରାମଣୀ ପ୍ରଧାନ, ଧଳପୁର ସରପଞ୍ଚ ସୁଜାତା କର୍ଣ୍ଣ, ବୀରାନରସିଂପୁର ସରପଞ୍ଚ ଚନ୍ଦନା ବେହେରା, ବାଣିଭୂଷଣପୁର ସରପଞ୍ଚ ଶ୍ରୀମନ୍ତ ମେହେର, ଭୈରବୀ ଡିଗ୍ରୀ ମହାବିଦ୍ୟାଳୟ ଅଧ୍ୟକ୍ଷ ରମେଶ ଚନ୍ଦ୍ର ତାରିଣୀଆ ଉପସ୍ଥିତ ରହିଥିବା ବେଳେ ଦିଲ୍ଲୀପ ରାଉତ, ପ୍ରଦୀପ୍ତ ମହାନ୍ତି, ଅମ.ଡ଼ି. ଶାଖଲୀନ ଓ ରଞ୍ଜନ କୁମାର ଯୋଶୀ ଖେଳ ପରିଚାଳନା କରିଥିଲେ । ଭୈରବୀ କନିଷ୍ଠ ମହାବିଦ୍ୟାଳୟ ପୂର୍ବତନ ଅଧ୍ୟକ୍ଷ ମନୋଜ ପାଠି ଧାରା ବିବରଣୀ ପ୍ରଦାନ କରିଥିଲେ ।
