କୋଣାର୍କ : ଖୁବଶୀଘ୍ର ଭାରତ ନିଜର ନାଗରିକଙ୍କୁ କୋଭିଡ ଟୀକା ଦେବାରେ ଶହେ କୋଟି ଟପିବ। ଇତି ମଧ୍ୟରେ 97 କୋଟି ଲୋକଙ୍କୁ କୋଭିଡ ଟୀକା ପ୍ରଦାନ ସରିଛି। ତେବେ ଶହେ କୋଟି ଲୋକଙ୍କୁ କୋଭିଡ ଟୀକା ପ୍ରଦାନ ପରେ ଏହାକୁ ଏକ ଉତ୍ସବ ରୂପରେ କେନ୍ଦ୍ର ସରକାର ପାଳନ କରିବାକୁ ଯୋଜନା ରଖିଛନ୍ତି। ଯୋଜନା ଅନୁଯାୟୀ ଦେଶର ଶହେଟି ଐତିହାସିକ କୀର୍ତିରାଜିକୁ ଲେଜର ଲାଇଟ ମାଧ୍ୟମରେ ତ୍ରିରଙ୍ଗାରେ ଚିତ୍ରିତ କରାଯିବ। ଏଥିପାଇଁ ପ୍ରସ୍ତୁତି ଆରମ୍ଭ ହୋଇଛି। ଏହି କ୍ରମରେ ଗତକାଲି ସନ୍ଧ୍ୟାରେ କୋଣାର୍କ ମନ୍ଦିରକୁ ଲେଜର ଲାଇଟ ସାହାଯ୍ୟରେ ତ୍ରିରଙ୍ଗାର ଚିତ୍ର କରାଯାଇଥିଲା। ଯାହାକି ବେଶ ଆକର୍ଷଣୀୟ ହୋଇଥିଲା। ଉପସ୍ଥିତ ପର୍ଯ୍ୟଟକ ମାନେ ଏହି ଲେଜର ସୋ”ର ବିଶେଷ ଆନନ୍ଦ ନେଇଥିଲେ।
