ଫୁଲବାଣୀ: ଆଜି ପବିତ୍ର କାର୍ତ୍ତିକ ମାସ ଶେଷ ସୋମବାର ଏବଂ ଆଜିଠାରୁ ଆରମ୍ଭ ହୋଇଛି ପଞ୍ଚକ ବ୍ରତ । ଶ୍ରଦ୍ଧାଳୁମାନଙ୍କର ମନ୍ଦିର ଗୁଡିକରେ ଭିଡ ଜମିଥିବା ବେଳେ ସ୍ଥାନୀୟ ଅଂଚଳରେ ଥିବା ଜଗନ୍ନାଥ ମନ୍ଦିର ପ୍ରାଙ୍ଗଣରେ ଆଜି ସକାଳେ ଏକ ଅଘଟଣ ଘଟିଯାଇଛି । ସୂଚନାଯୋଗ୍ୟକି ପିଅନପଡା ଅଂଚଳର ଶୈଳବାଳା ତ୍ରିପାଠୀ (୫୬)ନାମକ ଏକ ମହିଳା ମନ୍ଦିରରେ ଦୀପ ଲାଗାଉଥିବା ସମୟରେ ହଠାତ ତାଙ୍କ ଦେହରେ ନିଆଁ ଲାଗିଯାଇ ଗୁରୁତର ହେବାରୁ ମନ୍ଦିରରେ ଥିବା ଭକ୍ତ ମାନଙ୍କ ସହାୟତାରେ ତାଙ୍କୁ ଆମ୍ବୁଲାନ୍ସ ଯୋଗେ ସ୍ଥାନୀୟ ସଦର ମହକୁମା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇ ଉପଯୁକ୍ତ ଚିକିତ୍ସା ଯୋଗାଇ ଦିଆଯାଇଛି ।
