ପାଟଣାଗଡ: ବଲାଙ୍ଗିର ଜିଲ୍ଲା ବେଲପଡା ଥାନାର ଆଜି ମୁଣ୍ଡାଗାଁ (ଦର୍ଲିମୁଣ୍ଡା) ଅଜଣା ମହିଳା ମୃତଦେହ ଉଦ୍ଧାର କରିଛି ବେଲପଡା ପୁଲିସ । ମୃତ ମହିଳାଙ୍କ ବୟସ ପାଖାପାଖି ୩୫ବର୍ଷ ହେବାର ଅନୁମାନ କରାଯାଇଛି । ଏ ଯାଏଁ ତା\’ର ପରିଚୟ ମିଳନ ଥିବା ବେଳେ ତାକୁ କେହି ହତ୍ୟା କରି ପାଣିରେ ଫିଙ୍ଗିଦେଇଥିବା ସନ୍ଦେହ କରାଯାଉଛି । ମୁଣ୍ଡାଗାଁ(ଦର୍ଲିମୁଣ୍ଡା) ଡ୍ୟାମକୁ ଲୋକେ ଶୌଚ ପାଇଁ ଯାଇଥିବାବେଳେ ମୃତ ମହିଳାର ଶବ ପାଣିରେ ଭାସୁଥିବା ଦେଖିବାକୁ ପାଇଥିଲେ । ବେଲପଡା ପୁଲିସକୁ ଖବର ଦେଇଥିଲେ । ବେଲପଡା ପୁଲିସ ଓ ଅଗ୍ନିଶମ କର୍ମଚାରୀ ଘଟଣାସ୍ଥଳକୁ ଯାଇ ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପାଟଣାଗଡ ଡାକ୍ତରଖାନାକୁ ପଠାଇଛି । ବେଲପଡା ଅଂଚଳରେ ଦିନକୁ ଦିନ ଅପରାଧ ହତ୍ୟା ବଢିବାରେ ଲାଗି ରହିଥିବାରୁ ପୁଲିସ ଏଥିପ୍ରତି ଦୃଷ୍ଟି ଦେବା ପାଇଁ ଅଂଚଳବାସୀ ଦାବି କରୁଛନ୍ତି ।
