ବୌଦ୍ଧ/ଜହ୍ନାପଙ୍କ,୧୪/୮- ବୌଦ୍ଧବ୍ଳକ ଖୁଣ୍ଟବନ୍ଧ ପଞ୍ଚାୟତ ଅନ୍ତର୍ଗତ ଜହ୍ନାପଙ୍କ ଗ୍ରାମର ପିତ୍ତ ଛତ୍ରଙ୍କ ଚାଳ ଛପର ଘର ଗତ ବିଳମ୍ବିତ ରାତିରେ ଲଘୁଚାପଜନିତ ବର୍ଷାରେ ଏକ କାନ୍ଥ ଭାଙ୍ଗିଯାଇଛି । ତେବେ ଘରେ ଶୋଇଥିବା ପରିବାରର ୬ ଜଣ ସଦସ୍ୟ ଅଳ୍ପକେ ବର୍ତ୍ତିଯାଇଛନ୍ତି । ସୂଚନା ଅନୁସାରେ ପରିବାରଲୋକ ପୁଅ,ବୋହୂ ,ନାତି ନାତୁଣୀ ଶୋଇଥିବାବେଳେ ଗତକାଲି ଖାଇ ଶୋଇଥିବାବେଳେ ଏହି ଘଟଣା ଘଟିଥିଲା । ତାଙ୍କର ଏକମାତ୍ର ଘର ଥିବାରୁ ଏବେ ସେମାନେ ବାସହରା ହୋଇପଡିଛନ୍ତି । ତୁରନ୍ତ ପଞ୍ଚାୟତ କର୍ତ୍ତୃପକ୍ଷ ତାଙ୍କର ରହିବା ବ୍ୟବସ୍ଥା କରିବା ସହିତ ଆବଶ୍ୟକ ରିଲିଫ ଯୋଗାଇଦେବା ସହିତ ଆବାସ ଯୋଜନାରେ ଘର ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି ।
