ସମ୍ବଲପୁର : ଆଜିକାର ୮୧ ଜଣ ପଜିଟିଭ ଚିହ୍ନଟ ସହିତ ସମ୍ବଲପୁର ଜିଲ୍ଲାରେ କରୋନା ଆକ୍ରାନ୍ତ ଙ୍କ ମୋଟ ସଂଖ୍ୟା ୧୪୦୯ ରେ ପହଞ୍ଚିଛି । ଗତ ଚାରିଦିନ ଧରି ପଜିଟିଭ ଚିହ୍ନଟଙ୍କ ସଂଖ୍ୟା ସାମାନ୍ୟ କମିଥିବା ପରେ ଆଜି ହଠାତ ଏହା ଲମ୍ଫଦେଇ ୮୧ ହୋଇ ଯିବାରୁ ଲୋକଙ୍କ ମନରେ ଛନକା ପଶି ଯାଇଛି । ପୂର୍ବ ଘୋଷଣା ଅନୁସାରେ ଆଜି ଶନିବାର ଓ ଆସନ୍ତା କାଲି ରବିବାର ଦିନ ଶଟଡାଉନ ରହିବା କଥା କିନ୍ତୁ ଆଜିକାର ଦିନ ସ୍ବାଧିନତା ଦିବସ ପରିପ୍ରେକ୍ଷୀରେ ଏହାକୁ ଆଜି ଦିନକ ପାଇଁ ବାତିଲ କରା ଯାଇଛି । ଆଜି ସ୍ବାଧୀନତା ଦିବସ ସତ୍ତ୍ୱେ ସକାଳୁ ଦୈବାତ ଘନ ଘନ ବର୍ଷା ଯୋଗୁଁ ସାର୍ବଜନିକ ସ୍ଥାନରେ ଏଥିପାଇଁ ଜନଗହଳି ହୋଇପାରି ନାହିଁ, ଯାହାକୁ ସୁଧୀଜନେ ପରୋକ୍ଷରେ ବରଦାନ ହୋଇଛି ବୋଲି କହୂଛନ୍ତି । ଅନ୍ୟଥା ଆଗାମୀ କାଲି କରୋନା ସ°କ୍ରମଣ କଣ ଯେ ଅବସ୍ଥାରେ ପହଞ୍ଚାଇବ କହିହେଉ ନାହିଁ ।
