ବୌଦ୍ଧ,୧୫/୮ : ବୌଦ୍ଧ ଜିଲ୍ଲାରେ କରୋନା ପଜିଟିଭ ସଂଖ୍ୟା ୩୫୦ ପାର କରିଥିବାବେଳେ କେବଳ ବୌଦ୍ଧବ୍ଲକ ନାରାୟଣ ନଗର ଗ୍ରାମରୁ ହିଁ ଗୋଟିଏ ଦିନରେ ରେକର୍ଡ ସଂଖ୍ୟକ ୧୧୫ ପଜିଟିଭ ଚିହ୍ନଟ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ନାରାୟଣ ନଗର ଗ୍ରାମରେ ପ୍ରତ୍ୟେକ ଲୋକଙ୍କ ଆଣ୍ଟିଜେନ୍ ଟେଷ୍ଟ ହେଉଥିବାରୁ ଏତେ ସଂଖ୍ୟକ ଚିହ୍ନଟ ହୋଇଥିବା ସିଡିଏମଓ କହିଛନ୍ତି । ଗତକାଲି ସଂକ୍ରମଣକୁ ରୋକିବା ପାଇଁ ଜିଲ୍ଲା ପ୍ରଶାସନ ନାରାୟଣ ନଗର ଗ୍ରାମରେ ଅନିର୍ଦ୍ଦିଷ୍ଟ କାଳ ପାଇଁ ୧୪୪ ଧାରା ଜାରି କରିଛି । ଆହୁରି ଅନେକ ଲୋକଙ୍କ ଟେଷ୍ଟ ଚାଲିଥିବାରୁ ଏ ଗ୍ରାମରେ ଆହୁରି ଅନେକ ଲୋକଙ୍କ ନିକଟରେ ପଜିଟିଭ ବାହାରିବା ସମ୍ଭାବନାକୁ ଏଡେଇ ଦିଆଯାଇ ପାରିବନାହିଁ ବୋଲି ଆଶଙ୍କା କରାଯାଉଛି ।
