ଭୁବନେଶ୍ୱର,୧୫/୮ : ଆଜି ଭାରତୀୟ ଷ୍ଟେଟ ବ୍ୟାଙ୍କ ଭୁବନେଶ୍ୱର ମଣ୍ଡଳ ଦ୍ୱାରା ୭୪ତମ ସ୍ୱାଧୀନତା ଦିବସ ପାଳିତ ହୋଇଯାଇଛି । ଭାରତୀୟ ଷ୍ଟେଟ ବ୍ୟାଙ୍କର ମୁଖ୍ୟ ମହାପ୍ରବନ୍ଧକ ଶ୍ରୀମତୀ ରୁମା ଦେ ପତାକା ଉତ୍ତୋଳନ କରିଥିଲେ । ଏହି ସମାରୋହରେ ଭାରତୀୟ ଷ୍ଟେଟବ୍ୟାଙ୍କର ମହାପ୍ରବନ୍ଧକ ଶ୍ରୀ ସି.ଏଲ.ଏନ ଚାରିୟୁଲୁ, ଶ୍ରୀ ବିଜୟ କୁମାର କୁଜୁର , ସତ୍ୟଜିତ ଦାଶ, ଉପମହାପ୍ରବନ୍ଧକ ଏବଂ ସିବିଓ ଶ୍ରୀ ପିନେ କୁମାର ସିମୁଗୋସ୍ୱାମୀ ଉପସ୍ଥିତ ଥିଲେ । ଭାରତୀୟ ଷ୍ଟେଟବ୍ୟାଙ୍କ କର୍ମଚାରୀ ଏବଂ ତାଙ୍କ ପରିବାର ସଦସ୍ୟମାନେ ଡିଜିଟାଲ ଦେଶଭକ୍ତି ଗୀତ ଗାନ କରିଥିଲେ । ସମାରୋହକୁ ବ୍ୟାଙ୍କର ସଦସ୍ୟମାନେ ଅନଲାଇନରେ ଉପଭୋଗ କରିଥିଲେ । ଏହି ସମାରୋହ ପାଳନ ସମୟରେ କୋଭିଡ ନିୟମକୁ ଦୃଷ୍ଟିରେ ରଖି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
