ବୌଦ୍ଧ,୧୭/୮ – ବୌଦ୍ଧ ସହରରେ ଥିବା କୁଷ୍ଠାଶ୍ରମ (ଲେପ୍ରୋସି କଲୋନୀ) ରେ ରହୁଥିବା ୬ ଗୋଟି ପରିବାର ଦୁଇ ଦିନ ହେଲା ଜଳବନ୍ଦୀ ଅବସ୍ଥାରେ ରହିଥିବା ଅଭିଯୋଗ ହୋଇଛି । ମିଳିଥିବା ସୂଚନା ଅନୁଯାୟୀ ଗତ ଦୁଇ ଦିନ ହେଲା ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ସେମାନେ ରହୁଥିବା ଘର ମଧ୍ୟରେ ପାଣି ପଶିଥିବା ଦେଖିବାକୁ ମିଳିଛି । ଗତ ଦୁଇ ଦିନ ହେଲା ସେମାନଙ୍କର ଚୁଲି ଜଳି ନଥିବାରୁ ସେମାନେ ଭୋକ ଉପାସରେ କାଳାତିପାତ କରୁଥିବା ଅଭିଯୋଗ କରିଛନ୍ତି । ସେମାନଙ୍କୁ ସହାୟତା ଯୋଗାଇ ଦେବାକୁ ଅନୁରୋଧ କରିଛନ୍ତି ।
