ଦଶପଲ୍ଲା,୧୧/୫- ମହର୍ଷି ଦୟାନନ୍ଦ ଚାରିଟେବୁଲ ଟ୍ରଷ୍ଟର ସଂସ୍ଥାପକ, ଶଶୀଭୂଷଣ ଆଚାରୀଙ୍କ ଗତକାଲି ଅପରାହ୍ନ ସମୟରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ହୃଦଘାତରେ ପରଲୋକ ଘଟିଛି । ସେ ଏକାଧାରରେ ପରିବେଶବିତ୍, ସମାଜ ସଂସ୍କାରକ ,ସାମାଜିକ କର୍ମୀ, ମେଳାପୀ, ମିଷ୍ଟଭାଷୀ, ପରୋପକାରୀ ବ୍ୟକ୍ତି ଭାବରେ ସମଗ୍ର ଓଡ଼ଗାଁ ଅଞ୍ଚଳରେ ଜଣାଶୁଣା ଥିଲେ । ମୃତ୍ୟୁବେଳକୁ ତାଙ୍କର ବୟସ ପ୍ରାୟ ୬୮ ବର୍ଷ ବୋଲି ଜଣାପଡିଛି । ଓଡ଼ଗାଁବ୍ଲକ ବଡପୁଟ ଗ୍ରାମରେ ଜନ୍ମଗ୍ରହଣ କରିଥିବାବେଳେ ଆରଡ଼ା ଆର୍ଯ୍ୟସମାଜର ସକ୍ରିୟ ସଦସ୍ୟ ମଧ୍ୟ ଥିଲେ । ବୈଦିକ ରୀତିନୀତି ଅନୁଯାୟୀ ତାଙ୍କର ମରଶରୀରକୁ ଆଶ୍ରମ ପରିସର ମଧ୍ୟରେ ସମାଧି ଦିଆଯାଇଥିଲା । ତାଙ୍କରି ମୃତ୍ୟୁ ଖବର ବୃଦ୍ଧାଶ୍ରମର ସମସ୍ତ ଅନ୍ତେବାସୀଙ୍କ ସମେତ ଓଡଗାଁର ଜନସାଧାରଣଙ୍କ ମଧ୍ୟରେ ଶୋକର ଛାୟା ଖେଳିଯାଇଛି ।
