ବୌଦ୍ଧ,୧୮/୫: କରୋନା ମହାମାରୀ ନେଇ ଚାଲିଛି ଗୋଟିଏ ପରେ ଗୋଟିଏ ଅମୂଲ୍ୟ ଜୀବନ। ବାଉଁଶୁଣୀ ଡିମିରିପାଲି ଗ୍ରାମର ପ୍ରଫୁଲ୍ଲ ଗାଇଗୌରିଆ (26) ଙ୍କ ମୃତ୍ୟୁର ଗୋଟିଏ ଦିନ ପରେ ଗତକାଲି ଆଉ ଜଣେ 29 ବର୍ଷୀୟ ଯୁବକଙ୍କ କରୋନାରେ ମୃତ୍ୟୁ ହେବା ଘଟଣା ଦେଖିବାକୁ ମିଳିଛି ବୌଦ୍ଧ ଜିଲ୍ଲାରେ । ବୌଦ୍ଧ ବ୍ଲକ୍ ଅନ୍ତର୍ଗତ ମୁଣ୍ଡିପଦର ଗ୍ରାମର ନିରଞ୍ଜନ ସାହୁଙ୍କ ସାନପୁଅ ଆଦିତ୍ୟ ସାହୁଙ୍କ କୋରନାରେ ମୃତ୍ୟୁ ହୋଇଥିବା ଜଣା ପଡିଛି l ଗତମାସ 27 ତାରିଖ ଦିନ ପଜିଟିଭ ବାହାରିଥିବାବେଳେ ତାଙ୍କୁ ଗତ 3 ତାରିଖରେ କଟକ ସୃଷ୍ଟି କୋଭିଡ୍ ହସ୍ପିଟାଲରେ ଭର୍ତ୍ତି କରାଯାଇଥିଲା। ଗତକାଲି ସକାଳେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଯାଇଥିବା ଜଣାପଡିଛି l ତାଙ୍କର ବଡଭାଇ ତଥା ମୁଣ୍ଡିପଦର ଗ୍ରାମ ପଞ୍ଚାୟତର ସରପଞ୍ଚ ଅନ୍ତର୍ଯ୍ୟାମୀ ସାହୁ ଡାକ୍ତରଖାନା କର୍ତ୍ତୃପ କ୍ଷଙ୍କ ଠାରୁ ମୃତ ଦେହ ଗ୍ରହଣ କରି ଅପରାନ୍ହରେ କଟକସ୍ଥିତ ସତୀଚଉରା ଠାରେ ସଂସ୍କାର କରି ଫେରିଥିବା ପରିବାର ପକ୍ଷରୁ ସୂଚନା ମିଳିଛି l
