ବୌଦ୍ଧ/ବାଉଁଶୁଣୀ,୨୯/୫- ବୌଦ୍ଧ ଜିଲ୍ଲାରେ ଦିନକୁଦିନ କରୋନା ସଂକ୍ରମଣ ବୃଦ୍ଧି ପାଇବାରେ ଲାଗିଛି । ସଚେତନତା ଅଭାବରୁ ଲୋକମାନେ ଲକ୍ଷଣ ଥାଇ ମଧ୍ୟ କରୋନା ଟେଷ୍ଟ ନ କରାଇ ବିପଦମୁହଁକୁ ଟାଣିହେଉଛନ୍ତି । ଏଭଳି ପରିସ୍ଥିତିରେ ସଂକ୍ରମଣ ଅଧିକ ବ୍ୟାପିବା ସହ ଜୀବନହାନି ଆଶଙ୍କା ଥିବାରୁ ବାଉଁଶୁଣୀ ଅଞ୍ଚଳର ଯୁବନେତା ଇଂ ରାକେଶ ତ୍ରିପାଠୀ ଘର ଘର ବୁଲି ଲୋକଙ୍କୁ ସଚେତନ କରିବା ସହ କୋଭିଡ ପରୀକ୍ଷା ପାଇଁ ମଧ୍ୟ ଅନୁରୋଧ କରୁଛନ୍ତି । ଏଥିସହିତ ଲୋକଙ୍କ ଅମ୍ଲଜାନସ୍ତର ମାପିବାରେ ସାହାଯ୍ୟ କରୁଛନ୍ତି । ଅଁଳାପାଲି ପଞ୍ଚାୟତର ସଂଘପାଲି ଗ୍ରାମରେ କ୍ରମାଗତ ଭାବରେ କରୋନା ଆକ୍ରାନ୍ତ ଚିହ୍ନଟ ହେବାପରେ ଆଜି ଯୁବନେତା ଇଂ ରାକେଶ ତ୍ରିପାଠୀ ଗ୍ରାମକୁ ଯାଇ ଅମ୍ଲଜାନସ୍ତର ମାପିଥିଲେ । ସମସ୍ତଙ୍କୁ ଗୃହ ସଙ୍ଗରୋଧରେ ରହି ନିୟମିତ ଔଷଧ ଖାଇବାକୁ ଅନୁରୋଧ କରିଥିଲେ । ଇଂ ରାକେଶ ତ୍ରିପାଠୀଙ୍କ ଏହି ମହତ କାର୍ଯ୍ୟକୁ ପ୍ରତ୍ୟେକ ମହଲରୁ ପ୍ରଶଂସା କରାଯାଇଛି ।
