ପୂଜାପାଠ ପାଇଁ ସମସ୍ତଙ୍କ ଘରେ ସ୍ୱତନ୍ତ୍ର ପୂଜାଘର ରହିଥାଏ । ବିଶ୍ୱାସ କରାଯାଏ ଯେ ପ୍ରତିଦିନ ପୂଜା କରିବା ଦ୍ୱାରା ଗୃହକୁ ସକରାତ୍ମକ ଶକ୍ତି ଆସିବା ସହିତ ପ୍ରଗତିର ପଥ ଖୋଲିଥାଏ । କିନ୍ତୁ ପୂଜା ସ୍ଥଳିରେ କିଛି ଜିନିଷ ରଖିବା ଏବଂ ପୂଜା ସମୟରେ କିଛି ଭୁଲ୍ କରିବା ଠାରୁ ଦୂରେଇ ରହିବା ଉଚିତ୍ । ଏହାଦ୍ୱାରା ଘରେ ନକାରାତ୍ମକତା ବୃଦ୍ଧି ସହିତ ଅସୁବିଧା ବଢିଥାଏ । ଏଥି ସହିତ ପ୍ରଗତିର ପଥରେ ମଧ୍ୟ ବାଧା ଉପୁଜିଥାଏ । ତେଣୁ ବାସ୍ତୁ ଏବଂ ଜ୍ୟୋତିଷ ଶାସ୍ତ୍ର ଅନୁଯାୟୀ, ଏହି ଜିନିଷଗୁଡ଼ିକୁ ତୁରନ୍ତ ମନ୍ଦିରରୁ ବାହାର କରିବା ଭଲ ହୋଇଥାଏ। ତେବେ ଚାଲନ୍ତୁ ଜାଣିବା ସେହି ଜିନିଷଗୁଡ଼ିକ ବିଷୟରେ …
ଭାଙ୍ଗିଯାଇଥିବା ମୂର୍ତ୍ତି ନରଖିବା :
ପୂଜାଘରେ ଭୁଲରେ ବି ଭାଙ୍ଗିଯାଇଥିବା ମୂର୍ତ୍ତି ଏବଂ ଚିରା ଧାର୍ମିକ ପୁସ୍ତକଗୁଡ଼ିକୁ ରଖିବା ଉଚିତ୍ ନୁହେଁ। ଯଦି ଏପରି କିଛି ଜିନିଷ ଥାଏ ତେବେ ତୁରନ୍ତ ସେଗୁଡ଼ିକୁ ପାଣିରେ ପ୍ରବାହିତ କରନ୍ତୁ ।
ଆଙ୍ଗୁଠି ଠାରୁ ବଡ ହେବା ଉଚିତ୍ ନୁହେଁ ଶିବ ଲିଙ୍ଗ :
ଯଦି ଆପଣ ଘରେ ଶିବ ଲିଙ୍ଗ ସ୍ଥାପନ କରିବାକୁ ଚାହୁଁଛନ୍ତି, ତେବେ ମନେରଖନ୍ତୁ ଯେ ଏହା ଆଙ୍ଗୁଠିର ଆକାରଠାରୁ ବଡ ହେବା ଉଚିତ୍ ନୁହେଁ ।
କେବେ ରଖନ୍ତୁ ନାହିଁ ୨ଟି ଶଙ୍ଖ:
ପୂଜାଘରେ ଶଙ୍ଖ ରଖିବା ଏବଂ ବଜାଇବା ଶୁଭ ହୋଇଥାଏ । ଏହା ଘରେ ସକରାତ୍ମକ ଆଣିବା ସହିତ ସୁଖ ,ସମୃଦ୍ଧି ବୃଦ୍ଧି ପାଇଥାଏ । କିନ୍ତୁ ଏହାକୁ ସର୍ବଦା ଗୋଟିଏ ରଖିବା ଉଚିତ୍ । ଗୋଟିଏରୁ ଅଧିକ ରହିବା ଅଶୁଭ ବୋଲି ବିବେଚନା କରାଯାଏ । ଏଥି ସହିତ, ଭଗବାନ ଗଣପତିଙ୍କ ୨ ରୁ ଅଧିକ ପ୍ରତିମା ରଖିବାରୁ ଦୁରେଇ ରହିବା ଉଚିତ୍ ।
ରଖନ୍ତୁ ନାହିଁ ଏହି ଜିନିଷ :
ଜ୍ୟୋତିଷ ଏବଂ ବାସ୍ତୁଶାସ୍ତ୍ର ଅନୁଯାୟୀ, ମନ୍ଦିରରେ କୌଣସି ଭାରୀ ଜିନିଷ ରଖିବା ଉଚିତ୍ ନୁହେଁ । ଏହା ଘରେ ନକାରାତ୍ମକ ଶକ୍ତି ସୃଷ୍ଟି କରେ । ଆହୁରି ମଧ୍ୟ, ଫୁଲ କିମ୍ବା ଫୁଲମାଳକୁ ଧୋଇ ପ୍ରଭୁଙ୍କୁ ସର୍ବଦା ଅର୍ପଣ କରନ୍ତୁ ।
