ବୌଦ୍ଧ,୩/୬ – ଆଜି ସକାଳେ ମନମୁଣ୍ଡା ନିକଟ ତେଲନଦୀକୁ ଗାଧୋଇବା ପାଇଁ ଯାଇଥିବା ଜଣେ ବୃଦ୍ଧା ଭାସି ଯାଉଥିବା ବେଳେ ବାସୁଦେବ ପାଲି ନିକଟରେ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ମନମୁଣ୍ଡା ଗ୍ରାମପଞ୍ଚାୟତ ଦେଉଳି ଗ୍ରାମର ହୀରା ରାଜହଂସ (୬୦) ଦେଉଳି ତେଲନଦୀ ଘାଟକୁ ଗାଧୋଇବା ପାଇଁ ଯାଇଥିବାବେଳେ ନଦୀ ଜଳରେ ଭାସି ଯାଇଥିଲେ । ପ୍ରାୟ ୧ କିଲୋମିଟର ଦୂର ଭାସିଯିବା ପରେ ବାସୁଦେବପାଲି ନିକଟରେ ଗାଧୋଇବା ପାଇଁ ଯାଇଥିବା ଲୋକେ ଦେଖି ଉଦ୍ଧାର କରିଥିଲେ । ପରେ ବୃଦ୍ଧାଙ୍କ ପରିବାର ଲୋକଙ୍କୁ ଖବର ଦେବାପରେ ଘରକୁ ନେଇଥିବା ଜଣାପଡିଛି । ବୃଦ୍ଧାଙ୍କ ସ୍ୱାସ୍ଥ୍ୟାବସ୍ଥା ଠିକ୍ ଥିବା ପରିବାର ସୂତ୍ରରୁ ପ୍ରକାଶ ।
