କେନ୍ଦୁଝର,୭/୭- ଘଡଘଡି ପାହାଡ ନିକଟରେ ଥିବା ଜିଲ୍ଲା ବିଜେପି କାର୍ଯ୍ୟାଳୟରେ ଜିଲ୍ଲା ବିଜେପିର ସାଧାରଣ ସମ୍ପାଦକ ଅନୁବ୍ରତ ବେହେରାଙ୍କ ଦ୍ୱାରା ପରିଚାଳିତ ସଭାରେ ବିଜେପି ଜିଲା ସଭାପତି ଅଂଶୁମାନ ସବୁଜ ମହାନ୍ତ ବର୍ମା ଙ୍କ ସଭାପତିତ୍ୱରେ କେନ୍ଦୁଝର ସଦର ବିଧାୟକ ମୋହନ ଚରଣ ମାଝୀ, ରାଜ୍ୟ ବିଜେପିର ମୁଖପାତ୍ର ସତ୍ୟବ୍ରତ ପଣ୍ଡା ଓ ଚମ୍ପୁଆ ନିର୍ବାଚନ ମଣ୍ଡଳୀର ବିଜେପି ବିଧାୟକ ପ୍ରାର୍ଥୀ ତଥା ବରିଷ୍ଠ ବିଜେପି ନେତା ମୁରୁଲି ଶର୍ମାଙ୍କ ଉପସ୍ଥିତିରେ ଯୋଡ଼ା ଅଂଚଳର ଟାଣୁଆ ବିଜେଡି ନେତା ପୁରୁଷୋତ୍ତମ ଗାଗରାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆଦର୍ଶରେ ଅନୁପ୍ରାଣିତ ହୋଇ ଆଜି ବିଜେପିର ଏକ କାର୍ଯ୍ୟକ୍ରମରେ ବିଜେପି ଦଳରେ ସାମିଲ ହୋଇଛନ୍ତି । ଶ୍ରୀ ଗାଗରାଇ ଯୋଡ଼ା ଅଞ୍ଚଳର ଜଣେ ଟାଣୁଆ ଆଦିବାସୀ ନେତା ଭାବେ ଜଣାଶୁଣା । ଶ୍ରୀ ଗାଗରାଇ ୧୯୯୨ରେ ଜନତା ଦଳରୁ ନିଜର ରାଜନୈତିକ ଜୀବନ ଆରମ୍ଭ କରିବା ସହିତ ୧୯୯୨ ରୁ ୧୯୯୫ ମସିହା ପର୍ଯନ୍ତ ଅଂସେଇକଳା ପଂଚାୟତ ର ସମିତି ସଭ୍ୟ ଭାବେ ନିର୍ବାଚିତ ହୋଇଥିଲେ ।ଏବଂ ୨୦୧୯ ରେ ସିଆଲଯୋଡ଼ା ସ୍ଥିତ ଇନ୍ଷ୍ଟିଚ୍ୟୁଟ ଅଫ ଆନସିଏଣ୍ଟ କଲଚର ଆଣ୍ଡ ସାଇନ୍ସ ସୋସାଇଟିର ଅଧ୍ୟକ୍ଷ ଭାବେ କାର୍ଯ୍ୟରତ ଥିବାବେଳେ ବିଜେଡିର ଜଣେ ଆଗଧାଡିର ଟାଣୁଆ ନେତା ଭାବେ ମଧ୍ୟ କାର୍ଯ୍ୟ କରୁଥିଲେ । ଆଜି ସେ ବିଜେପିରେ ସାମିଲ ହେବାପରେ ଯୋଡ଼ା ଅଂଚଳରେ ବିଜେପିର ସଂଗଠନ ଆହୁରି ମଜବୁତ ହେବ ବୋଲି ବିଜେପି ଜିଲା ସଭାପତି ଅଂଶୁମାନ ସବୁଜ ମହାନ୍ତ ବର୍ମା କହିଛନ୍ତି ।
